នគរបាលខេត្តកំពង់ចាម ឃាត់ខ្លួនជនសង្ស័យ១៣នាក់ ករណីប្រើប្រាស់និងចែកចាយគ្រឿងញៀនខុសច្បាប់
កំពង់ចាម៖ ដោយអនុវត្តតាមផែនការយុទ្ធនាការប្រយុទ្ធប្រឆាំងគ្រឿងញៀនលើកទី៤របស់រាជរដ្ឋាភិបាល និងបទបញ្ជាររបស់ឯកឧត្តមអគ្គសន្តិបណ្ឌិត អគ្គស្នងការនគបាលជាតិ នៅថ្ងៃទី២៧ ខែកញ្ញា ឆ្នាំ២០១៩ វេលាម៉ោង១៦និង៤០នាទី នៅចំណុចក្រោយភ្នំហាន់ជ័យស្ថិតនៅភូមិហាន់ជ័យ ឃុំហាន់ជ័យ ស្រុកកំពង់សៀម និងចំនុចផ្ទះសំណាក់ស្មាត ស្ថិតនៅភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ក្រោយពីទទួលពត៌មានពីប្រជាពលរដ្ឋ កម្លាំងជំនាញការិយាល័យប្រឆាំងគ្រឿងញៀនខេត្ត សហការជាមួយ ជំនាញអធិការដ្ឋាននគរបាលស្រុកកំពង់សៀម អធិការដ្ឋាននគរបាលស្រុកស្ទឹងត្រង់ និងប៉ុស្តិ៍នគរបាលរដ្ឋបាលហាន់ជ័យ ប៉ុស្តិ៍នគរបាលរដ្ឋបាលព្រែកកក់ ដឹកនាំដោយលោកវរសេនីយ៍ទោ ជីវ សេងរស់ នាយការិយាល័យ បានបើកកិច្ចប្រតិបត្តិការ០១ករណី ដោយប្រើវិធានរដ្ឋបាលចំហ ឃាត់ខ្លួនជនសង្ស័យចំនួន១៣នាក់ ស្រី០១នាក់ ។
ជនសង្ស័យទាំអស់មាន៖ ១-ឈ្មោះ ធី ឌីម៉ង់ ភេទប្រុស អាយុ១៦ឆ្នាំ, ២-ឈ្មោះ ថេង សីហា ភេទប្រុស អាយុ១៦ឆ្នាំ, ៣-ឈ្មោះ ស្រ៊ីន ថារិត ភេទប្រុស អាយុ១៨ឆ្នាំ, ៤-ឈ្មោះសួន វណ្ណ ភេទប្រុស អាយុ២០ឆ្នាំ, ៥-ឈ្មោះ ឈឿង សុខឈី ភេទប្រុស អាយុ១៩ឆ្នាំ, ៦-ឈ្មោះ ផុន ណេត ភេទប្រុស អាយុ២៥ , ៧-ឈ្មោះ ឃុន ប៊ុនថាន ភេទប្រុស អាយុ២៨ឆ្នាំ, ៨- ឈ្មោះសេង ហ៊ាប ភេទប្រុស អាយុ២១ឆ្នាំ , ៩-ឈ្មោះ អាក សុផល ភេទប្រុសអាយុ៣៨ឆ្នាំ, ១០-ឈ្មោះ ចិត ធានី ហៅផា ភេទស្រី អាយុ២៧ឆ្នាំ , ១១-ឈ្មោះ ពេង អ៊ាង ភេទប្រុស អាយុ៣៧ឆ្នាំ , ១២-ឈ្មោះ ឈាង ដារ៉ា ភេទប្រុស អាយុ២៤ឆ្នាំ , ១៣-ឈ្មោះ សេន ដានី ភេទប្រុស អាយុ២៧ឆ្នាំ ។
ក្នុងនោះសមត្ថកិច្ចបានធ្វើការដកហូតវត្ថុតាងរួមមាន ម្សៅក្រាមពណ៌សសង្ស័យថ្នាំញៀន០៣កញ្ចប់ ទូរស័ព្ទ០៧គ្រឿង ម៉ូតូ០៤គ្រឿង សំភារៈវិចខ្ចប់មួយចំនួន និងឧបករណ៍សេពមួយចំនួន ។ ក្រោយឃាត់ខ្លួនជនសង្ស័យទាំងអស់ត្រូវបានបញ្ជូនទៅការិយាល័យជំនាញ ដើម្បីកសាងសំណុំរឿងចាត់ការបន្ដតាមនីតិវិធី ៕
អត្ថបទ៖ សុខ លាភ
