ប្រមុខរដ្ឋស្តីទី សម្រេចបញ្ចប់គោរមងារ «ឧកញ៉ា» ពីនាយទាហានជាន់ខ្ពស់ចំនួន៧៥រូប

ភ្នំពេញ៖ ប្រមុខរដ្ឋស្តីទី សម្តេចវិបុលសេនាភក្តី សាយ ឈុំ បានសម្រេចបញ្ចប់គោរមងារ «ឧកញ៉ា» ពីនាយទាហានជាន់ខ្ពស់នៃកងយោធពលខេមរភូមិន្ទ ចំនួន៧៥រូប តាមសេចក្តីបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។

ថ្លែងក្នុងកិច្ចប្រជុំគណៈរដ្ឋមន្ត្រីកាលពីថ្ងៃសុក្រ ទី៣០ ខែសីហា ឆ្នាំ២០១៩ កន្លងទៅនេះ សម្តេចតេជោ ហ៊ុន សែន បានបញ្ជាយ៉ាងដាច់ណាត់មិនឱ្យកងកម្លាំងប្រដាប់អាវុធទាំងយោធា នគរបាល និងកងរាជអាវុធហត្ថ មានងារជា «ឧកញ៉ា» តទៅទៀតនោះទេ។ កងកម្លាំងប្រដាប់អាវុធណា ដែលមានងារជា «ឧកញ៉ា» ធ្វើការជ្រើសរើសជាបន្ទាន់ថាតើត្រូវយកងារ «ឧកញ៉ា» ឬយកតួនាទីជាយោធា។

ខាងក្រោមជារាយនាមរបស់មន្ត្រីយោធា ដែលត្រូវបានដកងារជា «ឧកញ៉ា»៖