មុខសញ្ញាចែកចាយគ្រឿងញៀន ប្រុសស្រី ៤នាក់ ត្រូវកម្លាំងនគរបាលស្រុកបាកានឃាត់ខ្លួន
ពោធិ៍សាត់៖ កម្លាំងនៃអធិការដ្ឋាន នគរបាលស្រុកបាកាន ធ្វើការឃាត់ខ្លួន មុខសញ្ញាជួញដូរចែកចាយ និងរក្សាទុកគ្រឿងញៀនប្រុសស្រី ៤នាក់ រួមនិងម្សៅក្រាមពណ៏ស ១០កញ្ចប់ និងសម្ភារះមួយចំនួន កាលពីថ្ងៃទី២៥ ខែកញ្ញា ឆ្នាំ ២០១៩ ស្ថិតនៅចំណុចភូមិក្រពើររោរ៍ ឃុំស្នាមព្រះ ស្រុកបាកាន ខេត្តពោធិ៍សាត់ ។
ប្រភពពីអធិការដ្ឋាននគរបាលស្រុកបាកាន បានអោយដឹងថា ជនសង្ស័យប្រុសស្រីទាំង ៤នាក់នោះ រួមមាន៖ ១ឈ្មោះ ជា សារិទ្ធ ហៅពយ ភេទប្រុសអាយុ ៣៥ឆ្នាំ រស់នៅភូមិក្រពើររោរ៍ ឃុំស្នាមព្រះ ២ឈ្មោះស៊ុន តាំងហួយ ហៅពែក ភេទប្រុសអាយុ ២៤ឆ្នាំ រស់នៅភូមិស្នាមព្រះ ឃុំស្នាមព្រះ ស្រុកបាកាន ខេត្តពោធិ៍សាត់ ៣ឈ្មោះ សុខ បញ្ញា ភេទស្រីអាយុ ២៤ឆ្នាំ រស់នៅភូមិកោះក្របី ឃុំផ្សារឆ្នាំង ស្រុកកំពង់លែង ខេត្តកំពង់ឆ្នាំង និងទី៤ឈ្មោះ កង រស្មី ភេទស្រីអាយុ ១៧ ឆ្នាំ ទីលំនៅមិនពិតប្រាកដ ។
វត្ថុតាងរឹបអូសបានរួមមាន៖ ម្សៅក្រាមពណ៍ស ១០កញ្ចប់ ទូរស័ព្ទ ៥គ្រឿង កាំបិត២ ដាវ២ ពូថៅ១ ឧបករណ៍ឆក់ត្រី ៦គ្រឿង អាគុយ ៤គ្រឿង ដងឆក់ ២គូរ កន្ត្រៃយ៍២ និងក្បាលកែវចំនួន៣ផងដែរ។ បច្ចុប្បន្នជនសង្ស័យរួមនិងវត្ថុតាង សមត្ថកិច្ចកំពុងកសាងសំណុំរឿង ទៅតាមនិតិវិធី៕
អត្ថបទ៖ សុខ លាភ
