ប្រាក់ឈ្នួលកម្មករនិយោជិតកើនដល់ចំនួន១៩០ដុល្លារ សម្រាប់ឆ្នាំ២០២០
ភ្នំពេញ ៖ កម្មករនិយោជិតសម្រាប់ឆ្នាំ២០២០ខាងមុខនេះ រាជរដ្ឋាភិបាល បានសម្រេចដំឡើងប្រាក់ឈ្នួលចំនួន១៩០ដុល្លារ ដល់ដើម្បីជួយលើកស្ទួយជីវភាពរស់នៅរបស់កម្មករឲ្យកាន់តែប្រសើរឡើងថែមទៀត។
លោកអ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ថ្លែងនៅក្នុងកិច្ចប្រជុំក្រុមប្រឹក្សាជាតិប្រាក់ឈ្នួលអប្បបរមាអាណត្តិទី ១ លើកទី ៦ នៅព្រឹកថ្ងៃសុក្រ នេះ បានឲ្យដឹងថា ក្រុមប្រឹក្សាជាតិប្រាក់ឈ្នួលបានធ្វើការបោះឆ្នោតលើតួលេខចំនួន៣ គឺ ទី១ តួលេខដាក់ដោយរាជរដ្ឋាភិបាលចំនួន១៨៧ដុល្លារ, ទី2 តួលេខខាងសហជីព១៩៨ដុល្លារ និង ទី3៣តួលេខខាងភាគីនិយោជក១៨៦ដុល្លារ។
តាមរយៈការបោះឆ្នោតដោយសម្ងាត់ គឺសមាជិកត្រីភាគីដែលមាន៥១រូប បានបោះលើតួលេខ១៩៥ ក្នុងសំឡេង៨ លើ៥១ សំឡេង។ ១៨៧ដុល្លារ ក្នុងសំឡេង៤៣ លើ៥១ និង១៨៦ដុល្លារសូន្យលើ៥១ និងមិនមានអនុប្បវាទទេ។ ដូចនេះ ប្រាក់ឈ្នួលថ្មីរបស់កម្មករ ឆ្នាំ២០២០ គ១៩០ដុល្លារ ដោយបូកសម្ដេចផ្តល់ជូន៣ដុល្លារបន្ថែម។ នេះបើតាមរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ។
គួរបញ្ជាក់ថា ប្រាក់ឈ្នួលឆ្នាំ១០១៩នេះ មានចំនួន១៨២ដុល្លារ ក្នុង១ខែ ហើយប្រាក់ឈ្នួលថ្មីចំនួន១៩០ដុល្លារនេះ នឹងចាប់ផ្ដើមអនុវត្តចាប់ពីថ្ងៃទី១ ខែមករា ឆ្នាំ២០២០តទៅ៕
អត្ថបទ៖ សុខ លាភ
