កម្លាំងចម្រុះ បង្ក្រាបបទល្មើសនេសាទនៅចំនុចព្រៃធំ វាលស្រងែ ខេត្តកំពង់ឆ្នាំង រកឃើញឧបករស្មើលច្បាប់ជាច្រើន
កំពង់ឆ្នាំង ៖ លោក អ៊ូ សោភ័ណ្ណ នាយរងខណ្ឌរដ្ឋបាលជលផលខេត្តកំពង់ឆ្នាំង បានដឹកនាំកម្លាំង ចុះសហការជាមួយកម្លាំងប៉ុស្ដិ៍នគរបាលរដ្ឋបាលពាមឆ្កោក សង្កាត់ជលផល ស្រុកជលគិរី បានចេញបង្ការបង្គ្រាប់បទល្មើសនេសាទ នៅចំនុចព្រៃធំវាលស្រងែ ក្រោយភូមិកោះធំ ក្រោយភូមិឫស្សីដង្កួច ស្ថិតក្នុងភូមិសាស្ដ្រ ឃុំពាមឆ្កោក ឃុំព្រៃគ្រី និង ឃុំជលសា ស្រុកជលគិរី ខេត្តកំពងឆ្នាំង កាលពីថ្ងៃទី១៣ ខែកញ្ញា ឆ្នាំ២០១៩ វេលាម៉ោង៨និង០០នាទីព្រឹក ។ នេះបើយោងតាមគេហទំប័ររបស់អគ្គស្នងការនរគរបាលជាតិ ។
ការចុះបង្ក្រាបនេះ ដោយមានកម្លាំងចូលរួមចំនួន ១២ នាក់ ជលផលខេត្ត ៣ នាក់ ជលផលស្រុក ៣ នាក់ ប៉ុស្ដិ៍ពាមឆ្កោក ១ នាក់ ប្រជការពារ ១ នាក់ សហគមន៍ ៤ នាក់។
ជាលទ្ធផលរុះរើកាប់បំផ្លាញនិងដឹកជញ្ជូនយកមករក្សាទុកនៅកន្លែងសង្កាត់ជលផលស្រុក មានលបលូស្បែមុងចំនួន ២២ មាត់ ២២ កន្លែង របាំងស្បៃមុងប្រវែង៧០០ ម៉ែត្រ បង្គោលចំនួន ២០០ ដើមលបលូសាច់អ៊ួន ៣ កន្លែង ១២ លប របាំងប្រវែង ៣០០ ម៉ែត្រ បង្គោល ១២០ ដើម និងលែងកូនត្រីចំរុះចូលទៅក្នុងទឹកទន្លេវិញចំនួន ២០០ គីឡូក្រាម៕
អត្ថបទ៖ សុខ លាភ
