រថយន្តប៉ាកុងចំនួន៣គ្រឿង ព្រមទាំងឈើ២ដុំ ជិត១០ម៉ែត្រត្រីគុណ ត្រូវបានបង្ក្រាប!

កំពង់ស្ពឺ៖ កាលពីថ្ងៃទី៣ ខែកញ្ញា ឆ្នាំ២០១៩ ម្សិលមិញនេះ កម្លាំងមូលដ្ឋាន កងរាជអាវុធហត្ថស្រុកឱរ៉ាល់ ដឹកនាំដោយលោក វរសេនីយ៍ទោ សោម ពុទ្ធតារា មេបញ្ជាការស្រុក បានរុករកឃើញរថយន្តកែច្នៃ (ប៉ាកុង) ចំនួន៣គ្រឿង និងឈើគគីរចំនួន០២ដុំ ដែលស្មើ ៩ម៉ែត្រត្រីគុណ ៦៦៩ផ្លាន នៅក្នុងព្រៃស្ថិតក្នុងភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។

ក្រោយបង្ក្រាបបានហើយនោះ បច្ចុប្បន្ន ឈើគគីរ០២ដុំខាងលើ បានប្រគល់ឲ្យមន្ត្រី ផ្នែករដ្ឋបាលព្រៃឈើឱរ៉ាល់រក្សាជាអ្នកទុក។ ចំណែករថយន្តកែច្នៃប៉ាកុង យកមករក្សាទុកជាណ្តោះអាសន្ននៅមូលដ្ឋានកងរាជអាវុធហត្ថស្រុកឱរ៉ាល់ ដើម្បីស្រាវជ្រាវរកមុខសញ្ញា ប្រព្រឹទ្ធបទល្មើសព្រៃឈើបន្ត៕