រថយន្តប៉ាកុងចំនួន ៣គ្រឿងព្រមទាំងឈើគគីរជិត១០ម៉ែត្រគូប ត្រូវបានបង្ក្រាបនៅស្រុកឱរ៉ាល់

កំពង់ស្ពឺ៖  កម្លាំងមូលដ្ឋាន កងរាជអាវុធហត្ថស្រុកឱរ៉ាល់ ថ្ងៃទី០៣ ខែកញ្ញា ឆ្នាំ២០១៩ ដឹកនាំដោយលោក សោម ពុទ្ធតារា មេបញ្ជាការស្រុក បានរុករកឃើញរថយន្តកែច្នៃ (ប៉ាកុង) ចំនួន៣គ្រឿង និងឈើគគីរចំនួន២ដុំ ដែលស្មើ ៩ម៉ែត្រត្រីគុណ ៦៦៩ផ្លាន នៅក្នុងព្រៃស្ថិតក្នុងភូមិដំបងវេញ ឃុំសង្កែសាប ស្រុកឱរ៉ាល់ ។

ក្រោយរកឃើញ ឈើគគីរ០២ដុំ បានប្រគល់ឲ្យមន្ត្រី ផ្នែករដ្ឋបាលព្រៃឈើឱរ៉ាល់រក្សាជាអ្នកទុក ចំណែករថយន្តកែច្នៃប៉ាកុង យកមករក្សាទុកជាណ្តោះអាសន្ននៅមូលដ្ឋានកងរាជ អាវុធហត្ថស្រុកឱរ៉ាល់ ដើម្បីស្រាវជ្រាវរកមុខសញ្ញា ប្រព្រឹទ្ធបទល្មើសព្រៃឈើបន្ត៕
អត្ថបទ៖ សុខ លាភ