ក្លឹបដ៏គួរឲ្យស្អប់បំផុតនៅ Premier League អ្នកគាំទ្របោះឲ្យ Chelsea, Liverpool និង Man Utd
ថ្ងៃទី ៣០ ខែមីនា ឆ្នាំ ២០១៩ ម៉ោង 02:40PM
ជារឿងដ៏គួរឲ្យភ្ញាក់ផ្អើលនៅពេលដែលកំពូលក្លឹប៣នៅអង់គ្លេស ត្រូវបានអ្នកគាំទ្រជាច្រើនចាត់ទុកថាជាក្លឹបដ៏គួរឲ្យស្អប់បំផុត ហើយ Chelsea ឈរនៅលេខរៀងកំពូលខាងគេស្អប់។
/5c9e379b2d103_1553872740_large.jpg)
ការស្ទង់មតិមួយធ្វើឡើងដោយ The Mirror ដោយបានសួរទៅកាន់អ្នកគាំទ្រចំពោះការយល់ឃើញរបស់ពួកគេថាតើពួកគេ ស្រលាញ់ ស្អប់ ឬ ព្រងើយកន្តើយចំពោះក្រុមបាល់ទាត់ណាក្រៅពីក្លឹបដែលគេគាំទ្រ។
ក្រុមតោខៀវបានក្លាយជាក្រុមដែលគេស្អប់ច្រើនបំផុត។ យ៉ាងណាក្ដី ឧប្បត្តិហេតុនៃការរើសអើងជាតិសាសន៍ពីអ្នកគាំទ្រ Chelsea ទៅលើ Raheem Sterling កាលពីដើមរដូវកាលក៏អាចជាមូលហេតុដែលធ្វើឲ្យអ្នកគាំទ្រជាច្រើនស្អប់ក្លឹប ដែលទទួលបានជោគជ័យបំផុតនៅ១ទសវត្សចុងក្រោយនេះ ដោយសារតែការជះលុយដ៏សម្បើមរបស់លោក Roman Abramovich។
/5c9e3903868c6_1553873100_large.jpg)
ក្លឹបដែលស្អប់ច្រើនបំផុតឈរនៅលេខរៀងទី២គឺ Manchester United (៦៨,១%) ដែលចាញ់ពិន្ទុ Chelsea តែ ០,៦% ប៉ុណ្ណោះដែលមានពិន្ទុសរុប ៦៨,៧%។
ក្រុមហង្សក្រហម Liverpool ត្រូវបានគេចាត់ទុកថាជាក្រុមដែលគេស្អប់ច្រើនបំផុតទី៣ (៥២,៨%) ខណៈដែលក្រុម West Ham មាន ៤៧,៦% និង Arsenal ស្ថិតនៅលំដាប់ top ៥ មាន ៤៦,២%៕
អត្ថបទ ៖ ពេជ្រ គឹមស្រ៊ិន
