គួឲ្យអាសូរណាស់! ប្រទះឃើញសាកសពប្ដីប្រពន្ធ២នាក់ ស្លាប់ក្នុងប្រឡាយទឹក ប្ដីដេកផ្ងា ប្រពន្ធដេកផ្កាប់ !

(ព្រះវិហារ)៖ ប្រជាពលរដ្ឋប្រទះឃើញសាកសព ២នាក់ប្ដីប្រពន្ធ ស្លាប់ក្នុងប្រឡាយទឹក ប្ដីដេកផ្ងា ប្រពន្ធដេកផ្កាប់ គ្នាក្នុងនោះមានអាគុយនៅជាប់ខ្នងប្ដី និងប្រដាប់ឆកត្រីជាប់ជាមួយសព រួចរាយការ ជូនសមត្ថកិច្ច នៅវេលាម៉ោង៥ល្ងាច ថ្ងៃទី១៦ សីហាឆ្នាំ២០១៩ នៅត្រង់ចំណុចប្រឡាយដង្កៀបក្ដាមខាងកើតភូមិបង្កន ឃុំរៀបរយ ។

ជនរងគ្រោះទី១ ឈ្មោះ ឌិត ប៉ោន ប្រុសអាយុ២៥ឆ្នាំស្រុកកំណើតភូមិ សំរិត រតន: រវៀង ទី២ ឈ្មោះឡុង ភេន ស្រីអាយុ២៣ឆ្នាំស្រុកកំណើតភូមិ បង្កន រៀបរយ រវៀង ព្រះវិហារអ្នកទាំង២រស់នៅបច្ចុប្បន្នភូមិ បង្កន រៀបរយ រវៀង ព្រះវិហារ។

សាកសពបានយកមកផ្ទះដើម្បីធ្វើបុណ្យតាមប្រពៃណី៕