រថយន្តដឹកឥដ្ឋ ពន្លះជាមួយរថយន្តកាមរីបាឡែន បណ្តាលឲ្យបុរសម្នាក់គៀបជាប់ក្នុងរថយន្តរងរបួសធ្ងន់

(បាត់ដំបង)៖ ហេតុការណ៍គ្រោះថ្នាក់ចរាចរណ៍នេះបានកើតឡើងនាវេលាម៉ោង៤និង៥០នាទីល្ងាចថ្ងៃទី១៧ ខែសីហា ឆ្នាំ២០១៩ លើផ្លូវជាតិលេខ៥ ក្រុមទី៣០ ភូមិអូរញ ឃុំបឹងព្រីង ស្រុកថ្មគោល ។

យោងតាមប្រភពបានឲ្យដឹងថា រថយន្តដឹកឥដ្ឋ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ ៣៨៣១ បើកបរក្នុងទិសដៅពីត្បូងឆ្ពោះទៅជើងដល់ចំណុចកើតហេតុបានឡើងជែងរថយន្តពីមុខទិសដៅស្របគ្នាបានជ្រុលចង្កូតទៅបុករថយន្តម៉ាកកាម៉ារីបាឡែន ពណ៌មាសពាក់ស្លាកលេខបាត់ដំបង២A.៩៥៧៧បើកបរក្នុងទិសដៅផ្ទុយគ្នាពីជើងទៅត្បូង បណ្តាលឲ្យអ្នកបើកបររថយន្តម៉ាកកាម៉ារីរងរបួសធ្ងន់ ចំណែកអ្នកបើកបររថយន្តហ៊ីយ៉ាន់ដាយបានរត់គេចខ្លួនបាត់។។

សមត្ថកិច្ចឲ្យដឹងថា អ្នកបើកបររថយន្តកាម៉ារីឈ្មោះភី សុខា ភេទប្រុសអាយុ៤០ឆ្នាំ នៅភូមិវត្តរំដួលសង្កាត់ចម្ការសំរោង ក្រុងបាត់ដំបង ខេត្តបាត់ដំបង រងរបួសធ្ងន់ ត្រូវកម្លាំងជំនាញស្រុកថ្មគោលបានសង្រ្គោះអ្នករងរបួសទៅមន្ទីរពេទ្យបង្អែកស្រុកថ្មគោល និងបានធ្វើការវាស់វែង រួចបានដកហូតវត្ថុតាងយកមករក្សាទុកនៅអធិការដ្ឋាននគរបាលស្រុកថ្មគោលដើម្បីចាត់ការតាមនីតិវិធី៕