គូស្នេហ៍អោបថើបគ្នានៅលើបង្កាន់ដៃស្ពានរហូតដល់ត្រូវធ្លាក់ពីលើស្ពានស្លាប់ទាំងពីរ
(ប៉េរូ)៖ គូស្នេហ៍មួយគូបានអោបថើបគ្នានៅលើបង្កាន់ដៃស្ពានមួយកន្លែងក្នុងឥរិយាបថត្រេកត្រអាលជាខ្លាំង រហូតត្រូវធ្លាក់ពីលើស្ពានស្លាប់ទាំងពីរនាក់។ ហេតុការណ៍នេះបានកើតឡើងនៅក្នុងទីក្រុង Lima នៃប្រទេសប៉េរូ។ អត្តសញ្ញាណរបស់គូស្នេហ៍ ដែលស្រលាញ់គ្នារហូតដល់ស្លាប់នេះមិនត្រូវបានគេស្គាល់ឡើយ ហើយស្ពានដែលជាកន្លែងកើតហេតុនោះមានកម្ពស់ប្រមាណជា ១៥,៥ ម៉ែត្រ។
តាមរយៈវីដេអូដែលគេថតជាប់ដោយកាមេរ៉ាសុវត្ថិភាពបានបង្ហាញថា គូស្នេហ៍ទាំងពីរបានទៅថើបគ្នានៅកន្លែងកើតហេតុ ដោយស្រ្តីបានបង្គុយនៅលើបង្កាន់ដៃស្ពាន ខណៈបុរសជាសង្សាឈរនៅប្រលោះជើងរបស់ស្រ្តីជាសង្សា និងបានធ្វើសកម្មភាពថើបគ្នាយ៉ាងត្រេកត្រអាលជាទីបំផុត។ ឥរិយាបថនេះបានធ្វើពួកគេអស់ជំហរទាំងពីរនាក់ និងធ្លាក់ពីលើស្ពានស្លាប់តែម្តង។ លោកអ្នកអាចទស្សនាហេតុការណ៍នេះដូចខាងក្រោម៖
