ទាំងព្រលឹម! រថយន្តVIPដឹកអ្នកដំណើរ បើកពន្លះសួនពុះចែកទ្រូងផ្លូវ បានបុករះបណ្តាលឲ្យបាក់បង្គោលភ្លើងបំភ្លឺផ្លូវសាធារណ: អស់១ដើម
(ភ្នំពេញ)៖ រថយន្តVIPដឹកអ្នកដំណើរ ស្ទឹងត្រែង>ភ្នំពេញ១គ្រឿង បើកបរក្នុងល្បឿនលឿនបានរេចង្កូតឡើងសួនពុះចែកទ្រូងផ្លូវហើយបុករះ បណ្តាលឲ្យបាក់បង្គោលភ្លើងបំភ្លឺផ្លូវសាធារណ: អស់១ដើម ហើយរថយន្តបង្កហេតុត្រូវរងការខូចខាត បែកកង់មុខខាងឆ្វេង និងខូចខាតផ្នែកខាងមុខយ៉ាងដំណំ។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង ០៤និង១០នាទីទៀបភ្លឺ ថ្ងៃទី០៩ ខែសីហា ឆ្នាំ២០១៩នេះ ស្ថិតតាមបណ្តោយផ្លូវជាតិ៦A សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ក្រោយពេលកើតហេតុកម្លាំងជំនាញការិយាល័យចរាចរណ៍ជើងគោក ក៏បានចុះមកធ្វើការវាស់វែង និងធ្វើកំណត់ហេតុ ដើម្បីចាត់ការទៅតាមនីតិវិធីនៃច្បាប់៕
