នៅអាមេរិកទៀតហើយ! ករណីបាញ់ប្រហារសម្លាប់មនុស្ស២០នាក់ និងរបួសជាង២០នាក់

(តិចសាស់)៖ យោងតាមការចុះផ្សាយរបស់សារព័ត៌មាន CNN នាព្រឹកថ្ងៃទី០៤ ខែសីហា ឆ្នាំ២០១៩ នេះបានឲ្យដឹងថា យ៉ាងហោចណាស់មនុស្ស២០នាក់បានស្លាប់បាត់បង់ជីវិត និងជាង២០នាក់ទៀតរងរបួស នៅក្នុងហេតុការណ៍បាញ់ប្រហារដ៏រន្ធត់មួយពីខ្មាន់កាំភ្លើងម្នាក់នៅក្នុងទីក្រុង El Paso រដ្ឋតិចសាស់ សហរដ្ឋអាមេរិក។

ការបាញ់ប្រហារនេះបានកើតឡើងនៅក្នុងផ្សារទំនើប Walmart មួយកន្លែងនៅក្នុងទីក្រុង El Paso ហើយបុរសម្នាក់ឈ្មោះ Patrick Crusius អាយុ២១ឆ្នាំ ត្រូវបានប៉ូលិសធ្វើការចាប់ខ្លួន។ យោងតាមវីដេអូពីកាមេរ៉ាសុវត្ថិភាពបានបង្ហាញឲ្យឃើញថា ខ្មាន់កាំភ្លើងប្រដាប់ដោយកាំភ្លើងវែងមួយដើម បានដើរចូលក្នុងផ្សារទំនើប Walmart ហើយធ្វើសកម្មភាពបាញ់ប្រហារតែម្តង ចំពោះមូលហេតុ នៃការបាញ់ប្រហារដ៏សាហាវបែបនេះ គេនៅមិនទាន់ដឹងនៅឡើយនោះទេ៕

ប្រភព៖CNN