ស្នងការដ្ឋាននគរបាលខេត្តបាត់ដំបង ប្រកាសស្វែងរកជនជាតិបរទេស ២នាក់ប្តីប្រពន្ធ ដែលពរកូនដើរសុំទានគេ
ថ្មីៗនេះមានការចែករំលែកពេញបណ្តាញសង្គម បន្ទាប់ពីមានករណីជនជាតិបរទេស ២នាក់ប្តីប្រពន្ធ ពរកូនតូចនៅនឹងដៃ ដើរសុំទានគេនៅតាមផ្សារ ក្នុងក្រុងបាត់ដំបងគ្រាន់ចិញ្ចឹមជីវិត។ ហើយក៏មានការសំណូមពរពីប្រជាពលរដ្ឋសូមឲ្យអាជ្ញាធរដែនដីជួយដល់ជនជាតិបរទេសទាំង៣នាក់នេះឲ្យបានទៅស្រុកកំណើត។
យ៉ាងណាមិញយោងតាមប្រភពពីស្នងការដ្ឋាននគរបាលខេត្តបាត់ដំបង បានប្រកាសស្វែងរកជនជាតិបរទេស ២នាក់ប្តីប្រពន្ធ ដោយបានសរសេររៀបរាប់ថា៖ “ថ្មីៗនះនៅក្នុងបណ្តាញព័ត៌មានសង្គមបានផុសបង្ហាញរូបភាពជនបរទេសពីរនាក់ប្តីប្រពន្ឋនិងកូនតូចមួយផង កំពុងជួបបញ្ហាផ្ទាល់ខ្លួន ដែលចាំបាច់សមត្ថកិច្ចនគរបាលយេីងត្រូវស្វែងរកពួកគាត់។ ប្រសិនបេីលោក លោកស្រី ពិសេសមហាជនបានប្រទះឃេីញវត្តមានរបស់ពួកគាត់នៅក្នុងមូលដ្ឋានខេត្តបាត់ដំបង សូមលោក លោកស្រីមេត្តាផ្តល់ព័ត៌មានដល់ស្នងការដ្ឋាននគរបាលខេត្តបាត់ដំបង ឬនគរបាលមូលដ្ឋានដែលនៅជិតបំផុត ដេីម្បីយេីង ខ្ញុំមានលទ្ធភាពបានជួបពួកគាត់ដេីម្បីស្វែងរកការពិតនៅក្នុងបញ្ហាដូចបានលេីកឡេីងក្នុងបណ្តាញព័ត៌មានសង្គម សូមអរគុណ”៕
