រដ្ឋមន្រ្តីឡាវ ដែលមានរថយន្តលើសការកំណត់ ត្រូវប្រគល់ឱ្យរដ្ឋវិញ
យោងតាមការចុះផ្សាយរបស់ Vientianetimes នៅថ្ងៃទី១៧ ខែកក្កដា ឆ្នាំ២០១៩ បានឲ្យដឹងថា លោក Somdy Duangdy ឧបនាយករដ្ឋមន្រ្តី និងជារដ្ឋមន្រ្តីហិរញ្ញវត្ថុឡាវ បានថ្លែងថា រដ្ឋមន្រ្តី និងឧបនាយករដ្ឋមន្រ្តីដែលមានរថយន្តលើសការកំណត់ ត្រូវតែប្រគល់ទៅឱ្យរដ្ឋវិញ ដើម្បីធ្វើឡើងស្របតាមអនុក្រឹត្យរបស់នាយករដ្ឋមន្រ្តីឡាវ។
គួររំលឹកថា កាលពីឆ្នាំ២០១៧ នាយករដ្ឋមន្រ្តីឡាវ បានចេញអនុក្រឹត្យមួយដែលបង្គាប់ឱ្យមន្រ្តីជាន់ខ្ពស់រដ្ឋាភិបាល ប្រគល់រថយន្តទំនើបទៅឱ្យរដ្ឋវិញដើម្បីដាក់ដេញថ្លៃ សម្រាប់ចូលថវិការដ្ឋ និងកាត់បន្ថយការចំណាយ ហើយប្តូរមកជារថយន្តដែលមានតម្លៃទាប សម្រាប់ប្រើប្រាស់វិញ។ ក្នុងនោះ លោកនាយករដ្ឋមន្រ្តី Thongloun Sisoulith និងលោកប្រធានាធិបតី Bounnhang Vorachit បានប្រគល់រថយន្តប្រណីតរបស់ខ្លួន ទៅឱ្យរដ្ឋវិញរួចមកហើយ ដើម្បីធ្វើជាគំរូ៕
ប្រភព៖ Vientianetimes
កែសម្រួល៖ ឆ្មាសរ
