ញាក់សាច់ទ្រឺតៗ! លឺសម្លេងក្នុងម៉ាស៊ីនត្រជាក់ ដល់ពេលបើកមើលសុទ្ធតែពស់សង្ងំនៅក្នុងនោះ

ថ្មីៗនេះបុរសជនជាតិថៃម្នាក់បានបង្ហោះសារនៅលើបណ្តាញសង្គមក្រោយពីជួបហេតុការណ៍ឃើញសត្វពស់ជាច្រើនក្បាលសង្ងំនៅក្នុងម៉ាស៊ីនត្រជាក់ក្នុងបន្ទប់របស់ខ្លួន។ លោក Somkiat Thawornsuk ជាម្ចាស់ផ្ទះបានឲ្យដឹងថាហេតុការណ៍នេះបានកើតឡើងកាលពីថ្ងៃទី០៨ ខែកក្កដា ឆ្នាំ២០១៩។ យោងតាមសម្តីរបស់លោក Somkiat បានបញ្ជាក់ថានៅយប់ថ្ងៃច័ន្ទនៅពេលដែលលោកបានបើកម៉ាស៊ីនត្រជាក់លោកក៏បានលឺសម្លេងម្យ៉ាងចេញពីក្នុងនោះ ដូច្នេះហើយលោកក៏សម្រេចចិត្តបើកគំរបម៉ាស៊ីនត្រជាក់ដើម្បីពិនិត្យមើល ក៏ស្រាប់តែលោកបានឃើញពស់ជាច្រើនក្បាលធ្វើចលនានៅក្នុងនោះសឹងតែធ្វើឲ្យលោកស្រែករកពុទ្ធោ។ យ៉ាងណាមិញពស់ដែលសង្ងំនៅក្នុងម៉ាស៊ីនត្រជាក់មានសរុបចំនួន៥ក្បាល ហើយក៏មិនមានរបាយការណ៍ណាបញ្ជាក់ថាពស់៥ក្បាលនោះជាពស់អ្វីឡើយ។ ទន្ទឹមនឹងនេះដែរសារព័ត៌មានចិនបានរាយការណ៍ថាពស់ដែលត្រូវបានគេរកឃើញនៅក្នុងផ្ទះរបស់លោក Somkiat គឺមិនមានបង្កហានិភ័យដល់អាយុជីវិតឡើយ ពួកវាគ្រាន់តែសង្ញំដើម្បីចាប់សត្វផ្សេងៗធ្វើជាចំណីតែប៉ុណ្ណោះ៕