Huawei អះអាងថា Hongmeng OS របស់ខ្លួនដើរលឿនជាង Android និង IOS
យោងតាមការចុះផ្សាយរបស់សារព័ត៌មាន GADGETMATCH បានរាយការណ៍ថា ប្រព័ន្ធប្រតិបត្តិការណ៍ថ្មីមួយរបស់ក្រុមហ៊ុន Huawei អាចនឹងមានលក្ខណៈល្អប្រសើរជាងប្រព័ន្ធប្រតិបត្តិការណ៍ Android និង iOS ទៅទៀត។
ក្នុងពេលអនាគត Huawei នឹងមានប្រព័ន្ធប្រតិបតិ្តការណ៍ផ្ទាល់ខ្លួនមួយដែលមានឈ្មោះថា Hongmeng OS ។ យោងតាមការអះអាងរបស់លោក Ren Zhengfei ដែលជាស្ថាបនិករបស់ក្រុមហ៊ុន Huawei នោះបានបញ្ជាក់ថា ប្រព័ន្ធប្រតិបត្តិការណ៍ Huawei’s OS នឹងមានល្បឿនលឿនជាងប្រព័ន្ធប្រតិបត្តិការណ៍ Android និង iOS រហូតដល់ទៅ ៦០% ឯណោះ។ សូមរម្លឹកជូនថា ក្រោយអាមេរិកសម្រេចហាមឃាត់មិនឲ្យ Huawei ប្រើប្រាស់នូវប្រព័ន្ធប្រតិបត្តិការណ៍ Android មក ក្រុមហ៊ុន Huawei បានខិតខំយ៉ាងខ្លាំងក្នុងការបង្កើតប្រតិបត្តិការណ៍ ថ្មីមួយរបស់ខ្លួន ហើយរហូតមកទល់នឹងពេលនេះមានពាក្យចរចាមអារាមជាច្រើនបានលើកឡើងថា Huawei បង្កើតបានប្រព័ន្ធប្រតិបត្តិការណ៍របស់ខ្លួនដោយជោគជ័យហើយ ដែលនឹងត្រូវដាក់ឲ្យប្រើប្រាស់នៅក្នុងពេលដ៏ឆាប់ខាងមុខនេះ៕
កែសម្រួល៖ ស៊ាងម៉ី
ប្រភព៖ GADGETMATCH
