ផ្សារទំនើប AEON III នឹងមានវត្តមាននៅតំបន់ ៦០ម៉ែត្រ
(ភ្នំពេញ)៖ គម្រោងផ្សារទំនើប AEON III របស់ក្រុមហ៊ុនដ៏ធំរបស់ជប៉ុន គ្រោងនឹងចាប់ផ្តើម បុកគ្រឹះសាងសង់ នៅដើមឆ្នាំ ២០២០ខាងមុខនេះ ដែលស្ថិតនៅក្នុងតំបន់ទីក្រុងរណប ING City មហាវិថីសម្តេច ហ៊ុនសែន។ 
ដែលត្រូវចំណាយពេលសាងសង់ត្រឹម២៤ខែ ស្មើនឹងរយៈពេល២ឆ្នាំឱ្យរួចរាល់គ្របដណ្ដប់លើផ្ទៃដីទំហំ ១៨ ហិកតា គ្រោងនឹងបើកទ្វារដំណើរការនៅឆ្នាំ ២០២៣ ខាងមុខនេះ។
សូមបញ្ជាក់ថា កាលពីចុងឆ្នាំ២០១៨កន្លងទៅ តាមរយៈសេចក្ដីប្រកាសព័ត៌មានរបស់ក្រុមហ៊ុនអភិវឌ្ឍផ្សារទំនើបបានលើកឡើងថា ផ្សារទំនើប AEON 3 នឹងត្រូវដាក់ឱ្យដំណើរការនៅឆ្នាំ២០២៣។ គម្រោងផ្សារទំនើប AEON Mall 3 នឹងមានផ្ទៃក្រឡាសរុបរហូតដល់ទៅ ១៧៤,០០០ ម៉ែត្រការ៉េ ដែលធំជាងផលបូកផ្ទៃក្រឡាផ្សារទំនើប AEON 1 (៦៨០០០ ម៉ែត្រការ៉េ) និងផ្សារទំនើប AEON 2 ខណ្ឌសែនសុខ (១០០០០០ ម៉ែត្រការ៉េ) ៕
កែសម្រួល៖ ស៊ាងម៉ី
