ស្អាតណាស់!!អ្នកគ្រូក្រមុំម្នាក់នេះស្អាតមិនចាញ់តារាប៉ុន្មានទេមើលហើយប្រាកដជាលង់!
ថៃ៖ កាលពីថ្ងៃទី២៣ ខែមិថុនា កន្លងទៅនេះ នៅលើហ្វេសប៊ុកឈ្មោះ Nattaya Nat បានបង្ហោះនូវវីដេអូខ្លីមួយ បង្ហាញពីការធ្វើការគោរពរបស់កូនសិស្សថ្នាក់បឋមក្នុងសាលារៀនមួយ ទៅកាន់អ្នកគ្រូដ៏ស្រស់ស្អាតរបស់ខ្លួន មុនចូលទៅអង្គុយនៅក្នុងថ្នាក់ ដោយមានទាំងការឱប និងការចាប់ដៃជាដើម។
ក្រោយវីដេអូនេះ បានបង្ហោះចែកចាយនៅលើបណ្តាញទំនាក់ទំនងសង្គមហ្វេសប៊ុក ក៏បានធ្វើឱ្យមានការចាប់អារម្មណ៍យ៉ាងខ្លាំងពីមនុស្សជាច្រើន ដោយម្នាក់ៗក៏បានចូលទៅបញ្ចេញមតិ (Comment) សរសើរថា អ្នកគ្រូក្រមុំរូបនេះ ពិតជាមានសម្រស់ស្រស់ស្អាតមិនចាញ់តារាៗ និងគួរឱ្យស្រលាញ់ខ្លាំងតែម្តងទៀតផង។
គួរឱ្យដឹងផងដែរថា អ្នកគ្រូរូបស្អាតនេះ ត្រូវបានគេស្គាល់ឈ្មោះថា Nat Nattaya បច្ចុប្បន្នគឺជាគ្រូបង្រៀនខាងផ្នែកភាសាថៃដល់ក្មេងៗនៅសាលា Ban Prue Wai ក្នុងខេត្ត Chachoengsao ភាគខាងត្បូង ប្រទេសថៃ។
ត្រឹមរយៈពេលតែប៉ុន្មានថ្ងៃនេះប៉ុណ្ណោះ វីដេអូរបស់អ្នកគ្រូក្រមុំដែលបានបង្ហោះនៅលើហ្វេសប៊ុកខ្លួននេះ មានអ្នកចូលទស្សនារហូតដល់ទៅ ៣លានដង និងស៊ែរចែករំលែកបន្តគ្នារហូតដល់ទៅខ្ទង់ជាង ៣ ម៉ឺននាក់ឯណោះ។
មិនធម្មតាឯណា ជាអ្នកគ្រូបង្រៀនមែន តែសម្រស់មិនចាញ់តារាប៉ុន្មានទេ បានអ្នកគ្រូស្អាតមកបង្រៀនបែបនេះ ធានាថាសិស្សមករៀនពេញថ្នាក់រាល់ថ្ងៃតែម្តង៕
ឮ
អត្ថបទ កែវ ច័ន្ទសុផាវរុណ
