លោក ព្រាប កុល នរណាខ្លះ នឹងទទួលខុសត្រូវចំពោះសោកនាដកម្ម បាក់អគារ ៧ជាន់ នៅព្រះសីហនុ
ខ្មែរគ្មានគ្រោះរញ្ជួយដីទេ ប៉ុន្តែនៅសុខៗស្រាប់តែអាគារបាក់រំលំ ឆក់យកជីវិតបងប្អូនជនរួមជាតិរបស់ខ្ញុំជាច្រើននាក់។ ព្រះអើយសង្វេកណាស់វាស្មើនឹង កប់មនុស្សទាំងរស់ហេតុអ្វីបងប្អូនរួមជាតិខ្ញុំ មានជីវិតផុយស្រួយម្លេស ?។ នេះជាការលើកឡើង នាយកប្រតិបត្តិ នៃអង្គការតម្លាភាពកម្ពុជា លោក ព្រាប កុល។
លោក ព្រាប កុល បានលើកឡើង តាមបណ្ដាញសង្គមហ្វេសប៊ុក នៅថ្ងៃទី២៥ ខែមិថុនា ឆ្នាំ២០១៩នេះ ថាស្លាប់តាមដងផ្លូវរាល់ថ្ងៃ ដោយគ្រោះថ្នាក់ចរាចរវាជារឿងមួយ ប៉ុន្តែនេះ គ្នាកំពុងតែដេកលក់ ក៏ត្រូវអាគារបាក់សង្កត់ស្លាប់ ជាមួយគ្នានេះដែរ លោក នឹងរង់ចាំមើលថាតើនរណាខ្លះ នឹងទទួលខុសត្រូវចំពោះសោកនាដកម្មនេះ?៕
អត្ថបទ៖ សុខ លាភ
