ប្រធានអង្គការខ្ញុំខ្មែរ ឆ្លើយតបទៅលោកហ៊ុន ម៉ានិត ដែលថាតំណាងអង្គការខ្ញុំខ្មែរ ជាអ្នកបង្កើតព័ត៌មានក្លែងក្លាយ
បន្ទាប់ពីលោក ហ៊ុន ម៉ានិត ដែលជាកូនប្រុសទីពីររបស់សម្តេចនាយករដ្ឋមន្ត្រី ហ៊ុន សែន ប្រតិកម្មចំពោះព័ត៌មានក្លែងក្លាយដែលថាលោកមានលុយទៅដល់ ១០០លានដុល្លារសហរដ្ឋអាមេរិក ហើយអ្នកដែលបង្កើតគឺក្រុមប្រឆាំង មកពីអតីតគណបក្សព្រះអាទិត្យលិចនិងតំណាង«ខ្ញុំខ្មែរ» ឈ្មោះ Tor Nimol»។ ប្រធានអង្គការខ្ញុំខ្មែរ លោកជា និច្ច បានចេញមុខបដិសេធនៅការចោទប្រកាន់មួយនេះ ។
តាមរយៈវីដេអូជាង១ នាទី លោកជា និច្ច បានអោយដឹងថា ក្នុងនាមខ្ញុំជាប្រធានអង្គការខ្ញុំខ្មែ មិនទទួលខុសត្រូវរាល់បុគ្គលដែលពាក់អាវអង្គការខ្ញុំខ្មែរ ហើយដើរ ជេរ ដើរបង្ខូច ទៅដល់រាជរដ្ឋាភិបាល ក៏ដូចជាក្រុមគ្រួសារ របស់សម្តេចនាយករដ្ឋមន្ត្រី ហ៊ុន សែន។
លោកថា ចំពោះបុគ្គលដែលយករូបលោកទៅបង្ហោះលើបណ្តាញហ្វេសប៊ុកក្នុងបំណង អោយបងប្អូនប្រជាពលរដ្ឋ ក៏ដូចជារាជរដ្ឋាភិបាល យល់ច្រឡំថាខ្ញុំទៅជាមនុស្សម្នាក់ប្រឆាំងនិងរដ្ឋាភិបាល គឺជារឿងមិនពិត ។ ខ្ញុំបាទមិនបានធ្វើអ្វីដែលប្រឆាំងនិងរដ្ឋាភិបាលនោះទេ ហើយរាល់បុគ្គលដែលយកអាវខ្ញុំខ្មែរទៅពាក់ដម្បីបំពុលបំភាន់ចាក់រុកឆ្កឹះឆ្កៀលនោះ គឺមិនមែនជាកូនចៅ ឬតំណាង របស់អង្គការខ្ញុំបាទទេ ។
លោកជា និច្ច បន្ថែមថា អង្គការខ្ញុំខ្មែរមិនពាក់ព័ន្ធនយោបាយប្រឆាំងរដ្ឋាភិបាលទេ ហើយអ្នកដែលពាក់អាវខ្ញុំខ្មែរ យកទៅប្រព្រឹត្តអំពើរអាក្រក់ទាំងឡាយ ខ្ញុំបាទមិនទទួលខុសត្រូវទេព្រោះអង្គការខ្ញុំខ្មែរ គ្រាន់តែជាអង្គការមនុស្សធម៌ដែលកើតចេញពីការស្រលាញ់ខ្មែរ ស្រលាញ់ប្រទេសនិងរាជរដ្ឋាភិបាលខ្មែរដោយគ្មានលក្ខខណ្ឌ ។
គួររំលឹកផងដែរថា កាលពីពេលថ្មីៗលោក ហ៊ុន ម៉ានិត បានលើកឡើងពីគំរោងផ្លូវច្បាប់លើអ្នកបង្ហោះព័ត៌មាន ពីទ្រព្យសម្បតិខ្លួនដែរ។ ខ្ញុំកំពុងតែពិចារណាថាតើ គួរប្រើនីតិវិធីច្បាប់ជាមួយអង្គការ «ខ្ញុំខ្មែរ» នេះ ឬក៏ទុកចោល? ដោយសារករណីបែបនេះមិនមែនជាលើកទី ១ ទេ ដែលកន្លងមកក្រុមប្រឆាំងប្រើព័ត៌មានក្លែងក្លាយមកលើក្រុមគ្រួសារខ្ញុំជាបន្តបន្ទាប់ អស់ពីរឿងមួយទៅរឿងមួយទៀត ដែលខ្ញុំក៏មានការកោតសរសើរចំពោះក្រុមនេះថាពីមួយថ្ងៃទៅមួយថ្ងៃ ប្រហែលជាគិតថាចំណុចអ្វីខ្លះ គួរតែចាក់រុក»៕
អត្ថបទ៖ សុខ លាភ
