ដោយសារភ្លើងប្រចណ្ឌប្តីប្រពន្ធ ចំនួន៣គូកាប់សម្លាប់គ្នា នៅក្នុងសប្តាហ៍នេះ
ករណីភ្លើងប្រចណ្ឌ រវាងប្តី ប្រពន្ធ ចំនួន៣គូ នៅសប្តាហ៍នេះបានស្លាប់ នឹងរបួសដោយសាប្តីប្រើហឹង្សា។
ករណីទី១ ប្តីជះសាំងដុតសម្លាប់ប្រពន្ រួចអារ.កខ្លួនឯងតាមក្រោយ ហើយត្រូវបានសាច់ញាតិបញ្ជូនទៅសង្រ្គោះនៅមន្ទីរពេទ្យ ដែលហេតុការណ៍នេះ កើតឡើងនៅភូមិត្រគៀត ឃុំត្រពាំងសាប ស្រុកបាទី ខេត្តតាកែវ កាលពីទៀបភ្លឺថ្ងៃទី១៣ ខែមិថុនា ឆ្នាំ២០១៩ ។
នគរបាលមូលដ្ឋាន បានឲ្យដឹងថា ករណីភ្លេីងប្រចណ្ឌ ប្តីចាក់សាំងដុតប្រពន្ធ គឺស្រ្តីរងគ្រោះឈ្មោះ លាស់ ស្រីណេ អាយុ ៣២ឆ្នាំ(ស្លាប់) ប្តីជាឃាតករ ឈ្មោះ ព្រុំ តាំ អាយុ ៣៧ឆ្នាំ មុខរបរ អ្នកថែទាំដំរីនៅភ្នំតាម៉ៅ ប្តីកំពុងសង្រ្គោះបន្ទាន់នៅក្នុងមន្ទីរពេទ្យ។
ករណីទី២ ប្តីចិត្តខ្លាំង ប្រេីកាំបិតកាប់ប្រពន្ធប៉ងសម្លាប់ រួចអារកខ្លួនឯងរហូតស្លាប់បាត់បង់ជីវិត នៅសង្កាត់វត្តគរ ក្រុងបាត់ដំបង។ ហេតុការណ៍នេះកើតឡើងនៅថ្ងៃទី១៣ ខែមិថុនា ឆ្នាំ២០១៩ វេលាម៉ោងប្រមាណ ១៧ និង៤០នាទី នៅភូមិដំណាក់ ហ្លួង សង្កាត់ វត្តគរ ក្រុងបាត់ដំបង ខេត្តបាត់ដំបង។ ជនសង្សយ័ជាប្តីឈ្មោះ រ៉ាត់ ចិត្រា ភេទ ប្រុស អាយុ ២៨ ឆ្នាំ ចំណែកប្រពន្ធឈ្មោះ សុខ លីន អាយុ ២៧ ឆ្នាំ កំពុងសង្រ្គោះបន្ទាន់នៅមន្ទីរពេទ្យយោធភូមិភាគទី៥( ពេទ្យព២)។
ចំណែកករណីទី៣ ប្តីបានដេញកាប់សម្លាប់ប្រពន្ធ ដោយមូលហេតុនៃជម្លោះបណ្តាលមកពីការប្រចណ្ឌ ។ ហេតុការណ៍នេះកើតឡើងនៅថ្ងៃទី១៤ ខែមិថុនា ឆ្នាំ២០១៩ វេលាប្រហែលម៉ោង ១:៣០នាទីរសៀល នៅភូមិទួលវិហារ ឃុំជីរោទ៍ទី២ ស្រុកត្បូងឃ្មុំ ជនល្មើសជាប្តី ឈ្មោះ ព្រាប ម៉ាយ ភេទប្រុស អាយុ២៣ឆ្នាំ ចំណែកប្រពន្ធឈ្មោះ ជុំ ធារី អាយុ១៧ ឆ្នាំស្លាប់នៅហ្នឹងកន្លែងកើតហេតុ។ មូលហេតុនៃជម្លោះបណ្តាលមកពីការប្រចណ្ឌ ៕
