ក្រោយពីមានការបែកធ្លាយនូវរូបភាព ថត Pre-Wedding ឱក សុគន្ធកញ្ញា បានបង្ហាញនូវរូបភាពជាច្រើនផ្សេងទៀត លើទឹកដីខេត្តសៀមរាប…
កំពូលតារាចម្រៀងស្រីដ៏ល្បីឈ្មោះបែបមនោសញ្ចេតនា កញ្ញា ឱក សុគន្ធកញ្ញា មួយរយៈពេលចុងក្រោយកន្លងមកនេះ តារាចម្រៀងស្រីរូបនេះបានបង្ហាញមុខអនាគតស្វាមី ដែលត្រូវបានគេស្គាល់ថា លោក អ៊ឹង សុខលី ប្អូនប្រុសម្ចាស់ផលិតកម្មហង្សមាស ដែលជាផលិតកម្មមួយដ៏ធំ ក្នុងប្រទេសកម្ពុជា។
ជាពិសេស គូស្នេហ៍មួយគូរនេះ តែងតែមានដំណើរកម្សាន្តជាញឹកញាប់ជាមួយគ្នាទៅកាន់ក្រៅប្រទេស ធ្វើឲ្យមជ្ឈដ្ឋានមហាជនជាច្រើន មានការចាប់អារម្មណ៍ និងមានការងឿងឆ្ងល់ជាខ្លាំង។ ដោយឡែក មកដល់ពេលនេះ អាថ៌កំបាំងត្រូវបានទម្លាយហើយ ក្រោយពីគូស្នេហ៍មួយនេះ បានបង្ហាញពីរូបភាពថត Pre-Wedding របស់អ្នកទាំងពីរកាលពីពេលថ្មីៗនេះ។
ចំពោះថ្ងៃបរិច្ឆេទរៀបការអាពាហ៍ពិពាហ៍របស់អ្នកទាំងពីរ មិនទាន់មានការបញ្ជាក់ច្បាស់នៅឡេីយនោះទេ ដោយព័ត៌មានល្ហៀងៗដែលក្រុមកាងារ KH OSJA យេីងខ្ញុំទទួលបានគឺក្នុងអំឡុងខែឧសភាពាក់កណ្ដាលឆ្នាំ២០១៩នេះ។ ជាមួយគ្នានេះដែរ ក្រោយពីមានការបែកធ្លាយនូវរូបភាពថត Pre-Wedding រួចមក ស្រាប់តែនៅមុននេះបន្តិច តារាស្រីរូបនេះ ក៏បានបង្ហាញនូវរូបភាពជាច្រើនទៀត ក្នុងដំណើរកម្សាន្តលេីទឹកដីអច្ឆរិយៈ ខេត្តសៀមរាប អមជាមួយពាក្យពេចន៍រៀបរាប់ថា៖
«នេះជាកន្លែងលាក់ខ្លួនមួយ ដ៏អស្ចារ្យ ពេលមកដល់មានអារម្មណ៍ថា ស្ងប់ស្ងាត់ស្រស់ថ្លា ជាមួយធម្មជាតិប៉ៃតងវាលស្រែដើមត្នោត ផ្ទះខ្មែរដ៏ស្រស់ស្អាត ជាពិសេសនៅលើទឹកដីអច្ឆរិយ នៃខេត្តសៀមរាប..! ពេលបានមកដល់ហើយ ពិតជាមិនចង់ឃ្លាត អរគុណចំពោះការទទួលយ៉ាងកក់ក្តៅពី ភូមិប៉ៃតង»។
អត្ថបទ កែវ ច័ន្ទសុផាវរុណ
