លោក សម រង្ស៊ី ៖ តើ ហ៊ុន សែន ហ៊ានប្តឹងខ្ញុំនៅមុខតុលាការបារាំងឬទេ ចំពោះបទឧក្រិដ្ឋចំនួន ៣ នេះ ?
ភ្នំពេញ៖ បន្ទាប់ពីសម្ដេចនាយករដ្ឋមន្ត្រី ហ៊ុន សែន និងសម្ដេច ស ខេង កំពុងឲ្យមេធាវីសិក្សាផ្នែកច្បាប់ដាក់ពាក្យបណ្ដឹងទៅតុលាការបារាំង ដើម្បីប្ដឹងលោក សម រង្ស៊ី មេដឹកនាំអតីតគណបក្សសង្គ្រោះជាតិ លើករណីប្រមាថ និងចោទប្រកាន់ថ្នាក់ដឹកនាំរដ្ឋាភិបាល លើករណីពីរផ្សេងគ្នា។ លោក សម រង្ស៊ី ឆ្លើយតបទៅវិញថា តើ ហ៊ុន សែន ហ៊ានប្តឹងខ្ញុំនៅមុខតុលាការបារាំងឬទេ ចំពោះបទឧក្រិដ្ឋចំនួន ៣ នេះ ?
ចំពោះបទឧក្រិដ្ឋចំនួន ៣ ដែលលោកបានចោទគាត់( លោក ហ៊ុនសែន )ជាចំហ ថាគាត់ជាអ្នកបញ្ជាឲ្យប្រព្រឹត្ត មាន ទី១ ការវាយប្រហាដោយគ្រាប់បែកដៃ ស្លាប់១៦ នាក់ តាមបញ្ជាលោកហ៊ុន សែន , ពិសិដ្ឋ ពិលីកា ត្រូវគេបាញ់សម្លាប់នៅឆ្នាំ១៩៩៩ តាមបញ្ជាររបស់ ប៊ុន រ៉ានី ហ៊ុន សែន ដោយមានការយល់ព្រមពី ហ៊ុន សែន , កែម ឡី កែម ឡី ត្រូវគេបាញ់សម្លាប់ នៅឆ្នាំ២០១៦ តាមបញ្ជាលោកហ៊ុន សែន៕
លោក សម រង្ស៊ី បន្ថែមថា ខ្ញុំរង់ចាំតតាំងជាមួយលោក ហ៊ុន សែន នៅចំពោះមុខតុលាការបារាំង។
អត្ថបទ៖ សុខ លាភ
