ទិដ្ឋភាពទាំងមូលក្នុងកម្មវិធីភ្ជាប់ពាក្យរបស់ សួស វីហ្សា និង ថមមី ព្រឹកមិញនេះ

កាលពីព្រឹកថ្ងៃទី៧ ខែមិថុនា ឆ្នាំ២០១៩នេះ តារាចម្រៀងស្រីដែលមានសម្លេងពីរោះកញ្ញា សួស វីហ្សា បានភ្ជាប់ពាក្យជាមួយតារាសម្តែងប្រុសលោក ថមមី តាមប្រពៃណីខ្មែរហើយ។ គួរបញ្ជាក់ឲ្យដឹងផងដែរថាគូស្នេហ៍មួយគូនេះត្រូវបានមហាជនចាប់អារម្មណ៍ជាខ្លាំងព្រោះពួកគេតែងបង្ហាញភាពផ្អែមល្ហែមជាមួយគ្នាជាញឹកញាប់ ដោយពួកគេបានសាងអនុស្សាវរីយ៍ជាមួយគ្នាជាច្រើនដូចជាធ្វើដំណើរកម្សាន្តទៅក្រៅប្រទេស ធ្វើពិធីបុណ្យបច្ច័យបួន ទិញគេហដ្ឋានថ្មីរស់នៅជុំគ្នាជាដើម។

យ៉ាងណាមិញព្រឹកមិញនេះ គូស្នេហ៍ប្រុសស្រីមួយគូនេះបានដឹកដៃគ្នាបំពាក់ចិញ្ចៀនភ្ជាប់ពាក្យតាមប្រពៃណីខ្មែរហើយ។ គេក៏សង្កេតឃើញមានវត្តមានសិល្បករ សិល្បការិនីជាច្រើននាក់បានចូលរួមផងដែរដូចជា វី ឌីណែត, សយ រតនា, ឈីន រតនៈ, ផន ស្រីខួច, កែវ សុបញ្ញា និងតារាប្រុសស្រីជាច្រើននាក់។ មហាជនក៏បានចូលរួមសម្តែងការអបអរនៅក្នុងបណ្តាញសង្គមផងដែរ ដោយគ្រប់គ្នារង់ចាំដំណឹងថ្ងៃចូលរោងការរបស់អ្នកទាំងពីរឆាប់ៗនេះ។ ខាងក្រោមនេះគឺជារូបភាពផ្លូវការនៃទិដ្ឋភាពទាំងមូល ដែលបានមកពី One Memory ក្នុងកម្មវិធីភ្ជាប់ពាក្យរបស់កញ្ញា សួស វីហ្សា និងថមមី៖