លោក ហ៊ុន សែន និងលោក ស ខេង ត្រៀមប្ដឹងលោក សម រង្ស៊ី ទៅតុលាការបារាំង
ភ្នំពេញ៖ លោក ផៃ ស៊ីផាន អ្នកនាំពាក្យរដ្ឋាភិបាល បានអោយដឹងថា សម្ដេចនាយករដ្ឋមន្ត្រី ហ៊ុន សែន និងសម្ដេច ស ខេង កំពុងឲ្យមេធាវីសិក្សាផ្នែកច្បាប់ដាក់ពាក្យបណ្ដឹងទៅតុលាការបារាំង ដើម្បីប្ដឹងលោក សម រង្ស៊ី មេដឹកនាំអតីតគណបក្សសង្គ្រោះជាតិ លើករណីប្រមាថ និងចោទប្រកាន់ថ្នាក់ដឹកនាំរដ្ឋាភិបាល លើករណីពីរផ្សេងគ្នា។
លោក ផៃ ស៊ីផាន ថា «សម្ដេចតេជោ ហ៊ុន សែន និងសម្ដេច ស ខេង កំពុងសិក្សារៀបចំឯកសារប្ដឹង សម រង្ស៊ី នៅតុលាការបារាំង ដើម្បីស្វែងរកយុត្តិធម៌ជាសកល ជូនសម្ដេចទាំងពីរ, ដែល សម រង្ស៊ី បានចោទប្រកាន់ថាជាអ្នកសម្លាប់នាយឧត្តមសេនីយ៍ ហុក ឡងឌី»។
អត្ថបទ៖ សុខ លាភ
