ល្ងាចនេះ កែវ រំចង់ ប៉ះជើងខ្លាំងប្រេស៊ីលDiego ដែលជាម្ចាស់ខ្សែក្រវាត់ ISKA នៅសង្វៀនឯកភ្នំ
តោកំណាច កីឡាករ កែវ រំចង់ របស់កម្ពុជានឹងត្រូវប្រកួតមិត្តភាពអន្តរជាតិជាមួយកីឡាករប្រេស៊ីល Diego Beneduzzi នាថ្ងៃអាទិត្យ ទី២ ខែមិថុនា ២០១៩ នេះហើយនៅសង្វៀនឯកភ្នំ។
Diego Beneduzzi មានបទពិសោធជោកជាំក្នុងពិភពប្រដាល់សេរី ហើយក៏ធ្លាប់វ៉ៃប្រដាល់គុនចម្រុះដែរ។ ជារឿយៗរូបគេបានបង្ហាញខ្លួននៅសង្វៀនល្បីៗរបស់ថៃដូចជា Thai Fight, TOPKING និង Max Mauy Thai ជាដើម។ ក្រៅពីនេះគេធ្លាប់ឈ្នះខ្សែក្រវាត់ ISKA កម្រិតអាស៊ីគឺ Boxxtomoi Asia ISKA Welterweight Title តាំងពីឆ្នាំ២០១៧។
តែយ៉ាងណា មួយរយៈពេលចុងក្រោយនេះរូបការឡើងសង្វៀនរបស់គេមិនសូវជោគជ័យប៉ុន្មានឡើយ ដោយសារអាយុកាន់តែច្រើន កម្លាំងចុះខ្សោយ។ ចំណែក កែវ រំចង់ កាលពីពេលថ្មីរូបគេបានផ្តួលកីឡាករបារំាង Sebastien តាមរយៈការទាត់ និងដាល់ក្បាលពោះក្នុងទឹកទី៣ នឹងកីឡាករថៃជេកស្យាម ដោយប្រើកែងក្នុងទឹកទី៣៕
