ណយ វណ្ណនេត និងនេនទុំ ច្រៀងផ្ទាល់រួមគ្នា សម្លេងនៅតែមិនប្រែប្រួលសោះ (មានវីដេអូ)

ភ្នំពេញ៖ ថ្មីៗនេះ មានរឿងដ៏គួរឲ្យចាប់អារម្មណ៍មួយនៅលើបណ្តាញសង្គម យូធូប នៅពេលដែលឃើញលោក នេនទុំ ដែលជាតារារ៉េបដ៏មានប្រជាប្រិយភាពមួយរូប បង្ហោះវីដេអូឃ្លីប ច្រៀងចម្រៀងផ្ទាល់រួមគ្នាជាមួយ តារាចម្រៀងជើងចាស់ដ៏ល្បីលោក ណយ វណ្ណនេត។

យ៉ាងណាមិញ សម្រាប់វីដេអូច្រៀងរួមគ្នានេះដែរ អ្នកគាំទ្រ ក៏ដូចជាមហាជនពិតជាភ្ញាក់ផ្អើលខ្លាំងមែនទែន នៅពេលដែលបានស្តាប់សម្លេងយ៉ាងពីរោះរបស់តារាចម្រៀងជើងចាស់ លោក ណយ វណ្ណនេត ម្តងទៀត រួមជាមួយលោក នេនទុំ។ ម៉្យាងវិញទៀត អ្វីដែលគួរឲ្យចាប់អារម្មណ៍ជាងនេះ នៅក្នុងវីដេអូឃ្លីបនោះ គេក៏សង្កេតឃើញថា មានវត្តមានរបស់កញ្ញា ហិន ច័ន្ទនីរ័ត្ន ផងដែរ។

ទោះជាយ៉ាងណាក្តី ក្រោយពីឃើញបែបនេះ អ្នកគាំទ្រពិតជារំភើបចិត្តយ៉ាងខ្លាំង ព្រោះអស់រយៈពេលជាយូរណាស់មកហើយ ដែលអ្នកគាំទ្រមិនបានស្តាប់សម្លេងរបស់លោក ណយ វណ្ណនេត ច្រៀងផ្ទាល់បែបនេះ ហើយសម្លេងរបស់លោកនៅតែពីរោះដូចមុនមិនប្រែប្រួលនោះទេ៕