សុវណ្ណរាជ ចូលរួមមង្គលការ សុគន្ធកញ្ញា យប់មិញ ពាក់ពេជ្រមួយតួខ្លួន តម្លៃថ្លៃៗកប់!

ភ្នំពេញ៖ កាលពីយប់មិញមង្គលការរបស់តារាចម្រៀងដ៏ល្បីឈ្មោះអ្នកនាងឱក សុគន្ធកញ្ញា បានធ្វើឲ្យកក្រើកដល់មិត្តរួមសិល្បៈជាច្រើនដែលបានធ្វើការចូលរួម និងបង្អួតសម្រស់គ្នា នៅក្នុងការតែងខ្លួនយ៉ាងស្អាតៗប្លែកភ្នែក។

នៅក្នុងនោះដែល បណ្តាអ្នកគាំទ្រជាច្រើនបាននាំគ្នាចាប់អារម្មណ៍ខ្លាំងទៅលើ លោក ឆន សុវណ្ណរាជ នៅក្នុងរាត្រីយប់មិញនេះមិនចាញ់ម្ចាស់កម្មវិធីនោះទេ ដែលក្នុងនោះមានពាក្យពេចន៍ និងរូបភាពជាច្រើនយកទៅTroll ដល់លោកពេញបណ្តាញសង្គមហ្វេសប៊ុក។

អ្វីដែលកាន់ដែលពិសេសនោះគឺ ក្នុងថ្ងៃជ័យសិរីមង្គលរបស់តារាស្រីរូបនេះ លោកសុណ្ណរាជ បានលេងខ្លួនសង្ហាខ្លាំង ជាមួយនឹងគ្រឿងពេជ្រនៅលើខ្លួនលោក ដែលត្រូវបានគេចាប់អារម្មណ៍មានតម្លៃយ៉ាងថ្លៃៗ ដោយខ្សែ.កមួយ ខ្សែតម្លៃ ២២,៩៩០ដុល្លារ ចិញ្ចៀនពេជ្រដាំត្បូងជាច្រើនគ្រាប់តម្លៃ ៥,៩០០ដុល្លារ កន្លាស់ដាក់លើអាវតម្លៃ ២,៥៩០ដុល្លារ និងនាឡិកាដៃដាំពេជ្ររបស់លោក ក៏ថ្លៃខ្លាំងមិនធម្មតាដែរ។

ក្រោយពីបានឃើញបែបនេះ បណ្តាអ្នកគាំទ្រជាច្រើនក៏បានសរសើរដល់លោក ដែលគ្រាន់តែចូលរួមកម្មវិធីមង្គលមិត្តរួមសិល្បៈដូចគ្នា តែត្រូវចំណាយលើគ្រឿងអលង្ការ ដែលមានតម្លៃយ៉ាងថ្លៃៗបែបនេះ៕