កក្រើក! តារាកូរ៉េល្បីបំផុត លំដាប់លេខ២ សុខចិត្តបោះបង់អាជីព ក្រោយមានរឿងអាស្រូវផ្លូវភេទ
សេអ៊ូល៖ ទូរទស្សន៍ BBC បានផ្សព្វផ្សាយព័ត៌មាន ឲ្យដឹងនៅថ្ងៃទី១៣ ខែមីនា ឆ្នាំ២០១៩នេះថា តារា K -Pop លំដាប់លេខ២ បានចាកចេញពីអាជីវកម្មតន្ត្រី ដោយសារមានរឿងអាស្រូវផ្លូវភេទនៅក្នុងវិស័យនេះកាន់តែ រីករាលដាលខ្លាំងក្លាពេក។
លោក Jung Joon-young អាយុ៣០ឆ្នាំបានសារភាព ជាសម្ងាត់ថា ខ្លួនបានរួមភេទជាមួយស្ត្រី និងចែករំលែកវីដេអូ ទៀតផង ។លោក Jung បាននិយាយនៅក្នុងសេចក្ដីថ្លែង ការណ៍មួយថា “ខ្ញុំសារភាពចំពោះបទ ឧក្រិដ្ឋកម្មទាំងអស់របស់ខ្ញុំ” ។ គាត់ក៏បានសន្យាថា នឹងលះបង់ការងារទូរទស្សន៍ និងតន្ត្រីរបស់គាត់ទាំងអស់ ។
រឿងនេះបានកើតឡើងមួយថ្ងៃ បន្ទាប់ពីតារាសម្ដែង Seungri មកពីក្រុម Big Bang បានចាកចេញពីវិស័យនេះ បន្ទាប់ពីគាត់ត្រូវបាន គេចោទប្រកាន់ពីបទស៊ី សំណូកក្នុងរឿងផ្លូវភេទ ។
លោក Jung ត្រូវបានចោទប្រកាន់ថា បានចាប់រំលោភស្ត្រីចំនួន១០នាក់ ឬច្រើនជាងនេះ នឹងត្រូវបានចោទសួរដោយប៉ូលិស ក្រុងសេអ៊ូលនៅថ្ងៃព្រហស្បតិ៍ ៕
