មហាព្រឹត្តិការណ៍ប្រដាល់គុនខ្មែរ ដ៏ល្បីកក្រើកដណ្ដើមឡានថ្មីខ្លាញ់គោទី៧ ពីBoostrong នឹងចាប់ផ្តើមនៅសប្តាហ៍នេះ
មហាព្រឹត្តិការណ៍ប្រដាល់គុនខ្មែរ ដ៏ល្បីកក្រើកដណ្ដើមឡានថ្មីខ្លាញ់គោ ទី ៧ របស់ភេសជ្ជៈប៉ូវកម្លាំង ប៊ូសស្ត្រង កាន់តែគគ្រឹកគ្រេង និងរំភើបផ្ទួនៗ ។ ប៊ូសស្ត្រង នាំមកជូននូវមហាព្រឹត្តិការណ៍ប្រដាល់គុនខ្មែរដណ្ដើមឡាន និងមហាព្រឹត្តិការណ៍ប្រគំតន្ត្រីគុនខ្មែរដ៏ក្រកើក Boostrong King of Fighter Kun Khmer ដែលគ្រប់គ្នាកំពុងទន្ទឹងរង់ចាំ ជាមួយរូបមន្ដថ្មីមិនធ្លាប់មានពីមុន។
ក្នុងសន្និសីទសារព័ត៌មានកាលពីព្រឹកថ្ងៃទី១៩ ខែវិច្ឆិកា លោក មាស រីទ្ធី អគ្គនាយករង ទូរទស្សន៍ហង្សមាស និងរស្មីហង្សមាស HDTV បានអោយដឹងថា «គោលបំណងដែលយើងបង្កើត មហាព្រឹត្តិការណ៍ប្រដាល់គុនខ្មែរនេះឡើង គឺមិនមែនសំដៅតែលើឡាន ប៊ូសស្ត្រង មួយមុខនោះទេ គឺយើងមានគុណតម្លៃចង់បង្ហាញអំពីគុនខ្មែរសម្រាប់ប្រទេសកម្ពុជារបស់យើង និងដើម្បីផ្សព្វផ្សាយឱ្យទូលំទូលាយ ឱ្យកាន់តែល្បីល្បាញសម្រាប់គុនខ្មែររបស់យើង ។ ក្រុមហ៊ុន ហង្សមាស មានពហុបំណងដែលភ្ជាប់ទំនាក់ទំនងទៅគ្រប់ស្ថាប័ន និងក្រុមហ៊ុនអភិវឌ្ឍន៍ផ្សេងៗ ហើយនៅតាមបណ្តាក្លិបទាំងអស់ដែលមានកីឡាករកីឡាការនី យើងភ្ជាប់ទំនាក់ទំនងសហការ ដោយមិនរើសអើងជាមួយក្លិបណាមួយនោះទេ ហើយគ្មានក្លិបណាមួយជារបស់ក្រុមហ៊ុន ហង្សមាស ផ្តាច់មុខនោះដែរ គឺយើងបើកទូលាយ» ។
ដើម្បីបន្តលើកកម្ពស់គុនខ្មែរឱ្យកាន់តែរីកចម្រើន និងល្បីល្បាញបន្ថែមទៀត លោក គ្រីស តូបភើ តំណាងក្រុមហ៊ុន ប៊ូសស្ត្រង បានអោយដឹងថា «ដូចគ្រប់គ្នាបានដឹងហើយថា ក្រុមហ៊ុន ប៊ូសស្ត្រង ធ្លាប់បានជ្រួយជ្រោមជ្រែងមែនទែន និងតែងតែគាំទ្រប្រដាល់គុនខ្មែរ ច្រើនបំផុតមិនធ្លាប់ទេ តួរយ៉ាងដូចជា ព្រុំ សំណាង មានឡាន មានផ្ទះ និងមានអ្វីៗគ្រប់យ៉ាង ក៏ដោយសារប៊ូសស្ត្រងមើលឃើញពីភាពលំបាក និងការតស៊ូ សម្រាប់កីឡាករគុនខ្មែរគ្រប់រូប ។ ហើយថ្ងៃនេះប៊ូសស្ត្រងបានដាក់ឡាន ទី ៧ ទៅលើប្រភេទប្រកួត សម្រាប់កីឡាករទំងន់ ៦០ គីឡូក្រាមបន្ថែមទៀត»។ លោកថា នាពេលនេះ ក្រុមហ៊ុន ប៊ូសស្ត្រង មិនទាន់បានកំណត់កាលបរិច្ឆេតបញ្ចប់ ក្នុងការផ្តល់រង្វាន់ដល់កីឡាករនោះទេ មានន័យថា យើងនៅតែបន្តផ្តល់រង្វាន់ដល់កីឡាករទាំងអស់ជារៀងរហូត។
ចំណែកលោក ខូវ ឆាយ ប្រធានសហពន្ធប្រដាល់គុនខ្មែរ បានអោយដឹងថា «នេះមិនមែនជាលើកទី១ទេ ដែលក្រុមហ៊ុនប៊ូសស្រ្តងដាក់រថយន្ដ ឲ្យដណ្ដើមទេ។ ចំពោះការប្រកូតលើកនេះជារថយន្ដទី៧ ដែលបានដាក់ឲ្យកីឡាករគុនខ្មែរដណ្ដើម ហើយខ្ញុំជឿជាក់ថាកីឡាករទាំង៨នាក់ចូលរួមនេះនឹងក្លាយជាកីឡាករលំដាប់ប្រទេសនៅថ្ងៃអនាគត។ ហើយរង្វាន់រថយន្ដពីក្រុមហ៊ុនប៊ូសស្រ្តង ជាការលើកទឹកចិត្តដល់កីឡាករគុនខ្មែរ មានទឹកក្នុងការប្រកួតបន្ដអិភវឌ្ឍក្បាច់គុនខ្មែរបន្ដទៀត»។
ក្រោយលទ្ធផលចាប់ឆ្នោតជុំទី១ ធន់ ម៉េងហុង ប៉ះ រិទ្ធី សូសែន នៅខេត្តត្បូងឃ្មុំ, ជុំទី២ នៅខេត្តបាត់ដំបង កីឡាករ រិន ដេវីត ប៉ះ សន រ៉ាគីម ជុំទី៣ នៅខេត្តសៀមរាប កីឡាករ ទូច ដេវីត ប៉ះ សេក គីមសាន និង ជុំទី៤ នៅខេត្ដស្វាយរៀង កីឡាករ ពុត សំបូរ ជាមួយកីឡាករ ប៉ែនកាក់ រាជសីហ៍។
សូមជម្រាបជូនផងដែរថា បងប្អូនទិញ ប៊ូសស្ត្រង គឺជាចំណែកដ៏សំខាន់ជួយឱ្យមានកម្មវិធីប្រកួតដណ្ដើមឡាន ជាប្រវត្តិសាស្ត្រគុនខ្មែរនេះកើតឡើង ។ Boostrong King of Fighter Kun Khmer ! នាំមកជូនផ្ដាច់មុខវិសេសវិសាលអស្ចារ្យដោយ ប៊ូសស្ត្រង រង្វាន់ច្រើន ឆ្ងាញ់ជាងគេ ! ។
កម្មវិធីប្រដាល់គុនខ្មែរដណ្ដើមឡានថ្មីខ្លាញ់គោជុំទី១ ធ្វើឡើងនៅថ្ងៃសៅរ៍ ទី ២៣ ខែវិច្ឆិកា ឆ្នាំ ២០២៤ នៅក្នុងបរិវេណជិតរង្វង់មូលសាលាខេត្តត្បូងឃ្មុំ ចាប់ពីម៉ោង ៦ល្ងាចតទៅ ផ្សាយផ្ទាល់តាមទូរទស្សន៍រស្មីហង្សមាស HDTV និងផេកហ្វេសប៊ុកផ្លូវការ ប៊ូសស្ត្រង៕
