តំណាងអយ្យការអមបើកការស៊ើបសួរលើលោក ដួង តារា ពីបទឆបោក

ភ្នំពេញ៖ នៅទីបំផុត តំណាងអយ្យការអមសាលាដំបូងរាជធានីភ្នំពេញបញ្ជាក់នៅព្រឹកថ្ងៃទី១៤ ខែតុលា នេះបានសម្រេចបើការស៊ើបសួរលើលោក ដួង តារា ពីបទឆបោក តាមមាត្រា ៣៧៧ និងមាត្រា ៣៧៨ នៃក្រមព្រហ្មទណ្ឌ។

បើតាមលោក ប្លង់ សុផល អ្នកនាំពាក្យអយ្យការអមសាលាដំបូង​រាជធានីភ្នំពេញ បានអោយដឹងថា ករណីលោក ដួង តារា តំណាងអយ្យការបានបើកការ​ស៊ើបសួរលើ​ជនសង្ស័យពីបទ ឆបោក តាមមាត្រា ៣៧៧ និងមាត្រា ៣៧៨ នៃក្រមព្រហ្មទណ្ឌ។

សូមជម្រាបថា កម្លាំងសមត្ថកិច្ច នៃស្នងការដ្ឋាននគរបាលរាជធានីភ្នំពេញ បាននាំឃាត់ខ្លួនលោក ដួង តារា កាលពីថ្ងៃទី១០ ខែតុលា ឆ្នាំ២០២៤ ដើម្បីយកទៅសាកសួរពាក់ព័ន្ធករណីមួយចំនួន៕