ក្រុមហ៊ុន ភីភីអេហ្វេ យ៉ាំមី មេនូហ្វេកឆឺរីង ឯ.ក ឈ្នះពានរង្វាន់ធុរកិច្ចអាស៊ាន ២០២៤

(វៀងចន្ទន៍)៖ ក្រុមហ៊ុន ភីភីអេហ្វេ យ៉ាំមី មេនូហ្វេកឆឺរីង ឯ.ក ជាសហគ្រាសរបស់ប្រទេសកម្ពុជា ទទួលបានពានរង្វាន់សហគ្រាសធុនតូច និងមធ្យមឆ្នើម
ក្នុងវិស័យនវានុវត្តន៍ឆ្នើម (SME outstanding Awards – Innovation Outstanding Sector)
ក្នុងកម្មវិធី ពានរង្វាន់ធុរកិច្ចអាស៊ាន ២០២៤ (Asian Business Awards 2024)។

ការទទួលស្គាល់ដ៏មានកិត្យានុភាពនេះគឺជាសក្ខីភាពមួយចំពោះភាពជាអ្នកដឹកនាំ ការលះបង់ និងស្មារតីច្នៃប្រឌិត របស់ក្រុមហ៊ុន ភីភីអេហ្វេ យ៉ាំមី មេនូហ្វេកឆឺរីង ឯ.ក ជាក្រុមហ៊ុនរបស់កូនខ្មែរ។

គួរបញ្ជាក់ផងដែរថា ក្រុមហ៊ុន ភីភីអេហ្វេ យ៉ាំមី មេនូហ្វេកឆឺរីង ឯ.ក ជាក្រុមហ៊ុនរបស់កូនខ្មែរ ដែលទើបបង្កើតឡើងក្នុងឆ្នាំ២០២១ បានកំពុងផលិត និងកែច្នៃម្ហូបអាហាររបស់ខ្មែរជាច្រើនប្រភេទដូចជា បុកត្រីឆ្អើរ បុកកន្ទុយហេស កាពិឆាបាត់ដំបង ប្រហុកអង្ក្រង ប្រហុកខ្មែរឦសាន សាច់ប្រឡាក់គ្រឿងស្រាប់ ។ល។ នៅក្រោមម៉ាកសញ្ញា អ៊ីអ៊ែនអឹម យ៉ាំមី ដែលកំពុងចរាចរលើទីផ្សារពាសពេញប្រទេសកម្ពុជា និងមាននៅក្រៅប្រទេសមួយចំនួនដូចជា កូរ៉េ នូវែលសេឡង់ និងអាមេរិចជាដើម៕