រថយន្ត បុកម៉ូតូ នៅស្រុកស្រែអំបិល បណ្តាលឲ្យសិស្សសាលាម្នាក់រងរបួសធ្ងន់

(កោះកុង)៖ មានករណីគ្រោះថ្នាក់ចរាចរណ៍ កើតឡើងលើផ្លូវជាតិលេខ ៤៨ ចន្លោះបង្គោលគីឡូម៉ែតលេខ ២១-២២ ស្ថិតក្នុងភូមិត្រពាំងកណ្តោល ឃុំជីខលើ ស្រុកស្រែអំបិល ខេត្តកោះកុង នៅវេលាម៉ោង ១២.១០ នាទីរសៀល នាថ្ងៃទី ១២ ខែឧសភា ឆ្នាំ២០១៩ បង្ករឡើងដោយរថយន្ត ០១ គ្រឿង Lexus RX 300 ពណ៌ណ្តុរប្រមេះ ពាក់ស្លាកលេខ ភ្នំពេញ 2AQ 0618 បើកបរដោយឈ្មោះ ជាតិ សុវិចិត្រ ភេទប្រុស អាយុ ៣៥ឆ្នាំ ជនជាតិខ្មែរ បានបុកម៉ូតូ ០១គ្រឿង Wave ពណ៌ខ្មៅ ( គ្មានស្លាកលេខ ) បើកបរដោយឈ្មោះ មុត ថា ភេទប្រុស អាយុ ១៨ ឆ្នាំ ជនជាតិខ្មែរ មានទីលំនៅ ភូមិ.ឃុំកើតហេតុខាងលើ បណ្តាលអោយរងរបួសធ្ងន់ បញ្ជូនទៅព្យាបាល នៅភ្នំពេញ ។
មូលហេតុ ៖ អ្នកបើកបរបង្ករ ធ្វេសប្រហែស ខ្វះការប្រុងប្រយត័្ន ។

អត្ថបទ៖ ព្រួញទេព