GANZBERGកំពុងស្វែងរកកីឡាករគុនខ្មែរ ដើម្បី!!!
ភ្នំពេញ៖ ក្រោយពីកីឡាករគុនខ្មែរចំនួន៤រូបត្រូវបានGANZBERG ប្រកាសទទួលទូតសុច្ឆន្ទះជាផ្លូវការកាលពីថ្ងៃទី៨ ខែសីហា ឆ្នាំ២០២៤នាទឹកដីនៃខេត្តសៀមរាប រួមមានកីឡាករ ម្ចាស់ឡានខ្លាញ់គោទី១ អេ អាំរីនភូថង កីឡាករ មឿន មេឃា កីឡាករ ផល សុភ័ណ្ឌ និងកីឡាករពូថៅពិឃាត ធឿន ធារ៉ា ជាម្ចាស់ឡានខ្លាញ់គោទី២ ។
GANZBERG គ្រោងនឹងរៀបចំមហាព្រឹត្តិការណ៍ប្រដាល់លក្ខណៈម៉ារ៉ាតុន គីឡូ៦០ ក្នុងកម្មវិធី GANZBERG IDOL KUN KHMER នៅវាលបែកចាន ក្រុងបាត់ដំបង ខេត្តបាត់ដំបង នៅថ្ងៃទី៨ ខែកញ្ញា ឆ្នាំ២០២៤ខាងមុខនេះ វគ្គជំរុះ។
ក្នុងមហាព្រឹត្តិការណ៍ GANZBERG IDOL KUN KHMER នេះសម្រាប់កីឡាករជ័យលាភីនឹងទទួលបាន រថយន្តPick up ខ្លាញ់គោ ១គ្រឿង ពីកម្មវិធីនេះ។ បើតាមការផុសលើផេចផ្លូវការណ៍របស់ក្រុមហ៊ុនGANZBERG កីឡាករដែលឡើងប្រកួតលើសង្វៀន GANZBERG IDOL KUN KHMER នោះមានសុទ្ធតែកីឡាករគុនខ្មែរទាំងអស់ ៨ រូប ដែលនឹងប្រកួតដណ្តើមឡានពីGANZBERG រួមមាន១.កីឡាករ ធន វណ្ណា ២.កីឡាករ សុខ ធី ៣.កីឡាករ ឡុង ជិន ៤.កីឡាករ មាស ណាឃីម ៥.កីឡាករ ហុង សុវណ្ណចាន់សុធី ៦.កីឡាករ រីទ្ធី ចំរើន ៧. កីឡាករ សាន់ គុនខ្មែរ និង ៨.កីឡាករ ផន លីហួរ។
តើកំពូលកីឡាករគុនខ្មែរគីឡូ៦០ រូបណានឹងក្លាយជាម្ចាស់ឡានខ្លាញ់គោទី៣ របស់GANZBERG? កម្មវិធីនេះនឹងធ្វើការផ្សាយផ្ទាល់តាមរយៈស្ថានីយ៍ទូរទស្សន៍ បាយ័ន និង ផេចផ្លូវការ GANZBERG BEER ចាប់ពីម៉ោង ៨ យប់តទៅ។
