កីឡាករគុនខ្មែរជិត១០រូប នឹងចេញទៅប្រកួតនៅប្រទេសបារាំង ក្នុងកម្មវិធី GANZBERG Kun khmer Super fight

កីឡាករប្រដាល់គុនខ្មែរកម្ពុជាជិត១០រូប នឹងចេញដំណើរទៅប្រកួតនៅលើទឹកដីប្រទេសបារាំងហើយ ដើម្បីប្រកួតប្រដាល់គុនខ្មែរមិត្តភាពអន្តរជាតិ និងដណ្តើមខ្សែក្រវាត់ក្នុងកម្មវិធី GANZBERG Kun khmer Super fight នៅថ្ងៃទី២ ខែមិថុនា នាទីក្រុងប័រដូ និងថ្ងៃទី២៧ ខែមិថុនា ឆ្នាំ២០២៤ ក្នុងទីក្រុងប៉ារីស។

កីឡាករគុនខ្មែរដែលចេញទៅប្រកួតនៅប្រទេសបារាំង នៅថ្ងៃទី២ ខែមិថុនា នៅទីក្រុងប័រដូ រួមមានឈឿង ល្វៃ ប៉ះអូម៉ា សាម ក្នុងតំណែងគូឯក, លន បញ្ញា ប៉ះ អូម៉ា បាទីលី, ទួន ស្រីពិន ប៉ះម៉ារីកា អូរៀល, និងកីឡាករសៀង ហៃ ដែលកំពុងហ្វិកហាត់នៅបារាំង​ប៉ះជាមួយ ម៉ាហ្សូល។ ដោយឡែកអ្នកប្រដាល់កម្ពុជា ចំនួន២រូបគឺ ឃឹម បូរ៉ា និងឈុត សេរីវ៉ាន់ថង និងត្រូវប្រកួតលក្ខណៈម៉ារ៉ាតុន ជាមួយកីឡាករបរទេសដើម្បីប្រកួតដណ្តើមខ្សែក្រវាត់ ក្នុងនោះកីឡាករគុនខ្មែររូបណាឈ្នះក្រុមហ៊ុនGANZBERG ដែលជាម្ចាស់ឧបត្ថម្ភធំនឹងផ្តល់កាដូយក្ស គឺឡានស៊េរីទំនើបមួយគ្រឿង។

ដោយឡែកនៅថ្ងៃទី២៧ ខែមិថុនា វិញអ្នកលេងគុនខ្មែរចំនួន៦នាក់ និងត្រូវតតាំងនៅលើសង្វៀននាទីក្រុងប៉ារិស រួមមាន៖ ព្រំ សំណាង , ឡៅ ចិត្រា, លន បញ្ញា, សៀង ហៃ, ឃឹម បូរ៉ា និងឈុត សេរីវ៉ាន់ថង​។

លោក ហ្វេន ចូសេហ្វ ប្រូនេ ( Franz Josef Brune) តំណាងក្រុមហ៊ុនGANZBERG ធ្លាប់បានអោយដឹងថា GANZ​BERG មានឆន្ទៈគាំទ្រគុនខ្មែរទាំងក្នុងស្រុក និងក្រៅស្រុក។ កម្មវិធី GANZBERG Kun khmer super fight នេះលើកស្ទួយ គុនខ្មែរ និង សិល្បៈវប្បធម៌ខ្មែរឲ្យកាន់តែល្បីល្បាញទៅកាន់ពិភពលោក។ កាដូរយក្សពី GANZBERG ដល់គុនខ្មែរ គឺរថយន្តទំនើប មិនចាំបាច់ប្រកួតលើសង្វៀត One ទេ ប្រកួតនៅសង្វៀនក្រៅស្រុកក៍គុនខ្មែរល្បីដល់កម្រិតពិភពលោកដែរ ស្រលាញ់គុនខ្មែរ ស្រលាញ់ Ganzberg!! ពីមុនគេមកប្រកួតជាមួយយើងដល់ផ្ទះ តែឥឡូវយើងហោះទៅប្រកួតដល់ទឹកដីបារាំង! GANZBERG ជូនកាដូយក្សឡាន​​១ គ្រឿង​ លើកគុនខ្មែរយើងឡើងដល់កម្រិតពិភពលោក! Ganzberg លើកស្ទួយគុនខ្មែរឡើងដល់កម្រិតពិភពលោក។

Ganzberg លេងឈុតធំហើយ ការធ្វើប្រកួតនៅបារាំងលើកនេះ គឺយើងបានផ្សព្វផ្សាយគុនខ្មែរទៅកាន់ពិភពលោក មិនមែននិយាយចេះតែនាំគុនខ្មែរទៅកាន់កម្រិតពិភពលោកនោះទេ។ សូមបញ្ជាក់ផងដែរថា កន្លងមកក្រុមហ៊ុនGANZBERG ធ្លាប់បានដាក់ឡានអោយចំនួន២គ្រឿងអោយកីឡាករដណ្តើម ឡានទី១បានទៅកីឡាករ អេអាំម៉ារិន ភូថង ដែលឈ្នះផ្តួលដៃគូបានលឿនជាងគេនៅប្រទេសអូស្ត្រាលី និងឡានទី២ បានទៅលើកីឡាករធឿន ធារ៉ា ដេលផ្តួលដៃគូចំនួន៣លើកជាប់គ្នាក្នុង​ការ​ប្រកួត Kun Khmer World Cup ដែល​រៀបចំ​ដោយ​​សង្វៀន​ថោន នៅរាជធានីភ្នំពេញកាលពីខែវិច្ឆិកា កន្លងទៅ​៕