ប្រជាពលរដ្ឋប្រទះឃើញគ្រាប់យុទ្ធភ័ណ្ឌមិនទាន់ផ្ទុះ២៥៣គ្រាប់ បានរាយការណ៍ជូនសមត្ថកិច្ចនៅស្រុកភ្នំព្រឹក

បាត់ដំបង៖ នៅថ្ងៃទី០៣ ខែឧសភា ឆ្នាំ២០២៤ នៅស្រុកភ្នំព្រឹក ខេត្តបាត់ដំបង មានប្រជាពលរដ្ឋ បានប្រទះឃើញគ្រាប់យុទ្ធភ័ណ្ឌមិនទាន់ផ្ទុះ បានមករាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាល នៃអធិការដ្ឋាននគរបាលស្រុកភ្នំព្រឹក ។ ក្រោយទទួលដំណឹង សមត្ថកិច្ចបានចុះត្រួតពិនិត្យប្រទះឃេីញគ្រាប់ចំនួន ២៥៣គ្រាប់ ៖

-គ្រាប់បែកដៃ ចំនួន០៤ គ្រាប់ (ចិន)

-គ្រាប់AK ៤៧ ចំនួន ២២០គ្រាប់

-គ្រាប់ ៦០មីលីម៉ែត្រ ចំនួន ០១គ្រាប់

-គ្រាប់ ៨០មីលីម៉ែត្រ ចំនួន ០១គ្រាប់

-គ្រាប់ ១០០មីលីម៉ែត្រ ចំនួន ០១គ្រាប់

-គ្រាប់១២០ មីលីម៉ែត្រ ចំនួន២៦គ្រាប់ ហើយសមត្ថកិច្ចបានចងខ្សែហ៊ុំព័ន្ធនិងដាក់ស្លាកសញ្ញា រួចរាយការណ៍បន្តជូនមជ្ឈមណ្ឌលសកម្មភាពកំចាត់មីនកម្ពុជា CMAC ដេីម្បីយកទៅកំទេចចោល។