ក្រសួងការងារបានសម្របសម្រួល ពន្លឿនបើកប្រាក់ឈ្នួល និងប្រាក់បំណាច់ផ្សេងៗ ជូនបងប្អូនកម្មករនិយោជិតនៃរោងចក្រស្បែកជើង អ.ជី ហ៊្វូតវែរ(ខេមបូឌា) ឯ.ក

បងប្អូនកម្មករនិយោជិតមានទឹកមុខសប្បាយរីករាយមកបើកប្រាក់ឈ្នួល និងប្រាក់បំណាច់ផ្សេងៗ ដែលរៀបចំដោយក្រុមហ៊ុនក្រោមការសម្របសម្រួលជូនដោយក្រសួងការងារ និងបណ្ដុះបណ្ដាលវិជ្ជាជីវៈ។ ក្រសួងក៏មានផ្ដល់ជូននូវទឹកសុទ្ធ ភេសជ្ជៈ និងអាហារសម្រន់ជូនបងប្អូនផងដែរ ព្រមទាំងណែនាំពីឱកាសការងារថ្មី សម្រាប់បងប្អូនកម្មករនិយោជិត ដែលមិនទាន់មានការងារ តាមរយៈមជ្ឈមណ្ឌលការងារចល័ត នៃទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះ បណ្តាលវិជ្ជាជីវៈ ដែលនៅប្រចាំការនៅខាងមុខសាលាស្រុកអង្គស្នួលស្រាប់។

បងប្អូនកម្មករនិយោជិតសូមថ្លែងអំណរគុណដល់ក្រសួងការងារ ដែលបានសម្របសម្រួលពន្លឿននីតិវិធីបើកប្រាក់ឈ្នួល និងប្រាក់បំណាច់ផ្សេងៗ រួមទាំង ឱកាសការងារថ្មី។