ក្រសួងទេសចរណ៍មានកិត្តិយសសូមជម្រាបជូនដំណឹងស្តីពី«ការប្រកួតប្រជែងរូបថតសមរាត្រីអង្គរអច្ឆរិយៈ»
«សេចក្តីជូនដំណឹង ស្តីពីការប្រកួតប្រជែងរូបថតសមរាត្រីអង្គរអច្ឆរិយៈ»
ដើម្បីចូលរួមអបអរសាទរ និងផ្សព្វផ្សាយនូវព្រឹត្តិការណ៍សមរាត្រីនៅប្រាសាទអង្គរវត្ត ដែលរំពឹងនឹងកើតមានចន្លោះថ្ងៃទី២០ ដល់ថ្ងៃទី២២ ខែមីនា ឆ្នាំ២០២៤ នៅខេត្តសៀមរាបខាងមុខនេះ ក្រសួងទេសចរណ៍ មានកិត្តិយសសូមជម្រាបជូន និងអញ្ជើញភ្ញៀវទេសចរជាតិ-អន្តរជាតិ និងសាធារណជន ចូលរួមក្នុង “កម្មវិធីប្រកួតប្រជែងរូបថតព្រឹត្តិការណ៍សមរាត្រីនៅប្រាសាទអង្គរវត្ត” ឲ្យបានច្រើនកុះករ!
“ព្រឹត្តិការណ៍សមរាត្រីនៅប្រាសាទអង្គរវត្ត”ដែលត្រូវបានគេស្កាល់ថាជាបាតុភូតព្រះអាទិត្យរះចំកណ្តាលកំពូលប្រាសាទអង្គរវត្ត ត្រូវបានគេរំពឹកថានឹងកើតមាន នៅចន្លោះថ្ងៃទី២០ដល់ ថ្ងៃទី២២ ខែមិនា ឆ្នាំ២០២៤ វេលាម៉ោង៥.00នាទីដល់ម៉ោង៧.00នាទីព្រឹក។
