តើនរណាជាអធិរាជអំបោះឆៅ ក្នុងព្រឹត្តិការណ៍ KRUD KUN KHMER: The Battle of Kings?
ភ្នំពេញ ៖ គូឯកដែលអ្នកគាំទ្រគុនខ្មែរទន្ទឹងរង់ចាំ គឺកីឡាករលំដាប់ខ្លាំងរបស់កម្ពុជា ធន់ រិទ្ធី ត្រៀមសងសឹងជាមួយជើងខ្លាំង សៃ យុគ ក្នុងការប្រកួតជាលក្ខណៈអំបោះឆៅ ។ ដោយឡែក កីឡាករលំដាប់ខ្លាំងរបស់កម្ពុជាមួយរូបទៀត គឺឡៅ ចន្ទ្រា ជាបេក្ខភាពមួយ ដែលនឹងត្រូវប្រកួតជាមួយតារាថៃហ្វៃ សុដសុខន ក្នុងព្រឹត្តិការណ៍ KRUD KUN KHMER: The Battle of Kings របស់សង្វៀនប្រដាល់ទទកផងដែរ ។
នេះជាបំណងរបស់អ្នកគាំទ្រគុនខ្មែរ និងសំណើរបស់ ធន់ រឹទ្ធី ដែលចង់សងសឹកជាមួយខ្លាចាស់ សៃយុគ ម្តងទៀតនោះ ត្រូវបានបំពេញបំណងដោយ អ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈប្រ៊ូវើរី ដែលជាក្រុមហ៊ុនឧបត្ថម្ភ ផ្តាច់មុខក្នុងព្រឹត្តិការណ៍ប្រកួតប្រដាល់ KRUD KUN KHMER: The Battle of Kings ។ ជំនួបសងសឹក រវាង ធន់ រឺទ្ធី និង ខ្លាចាស់ សៃយុគ មិនត្រឹមជាជំនួបសងសឹក តែជាការដាក់ខ្សែក្រវ៉ាត់ម្នាក់មួយខ្សែ ដោយធន់ រឺទ្ធី ដាក់ខ្សែក្រវ៉ាត់អំបោះឆៅ KRUD KUN KHMER និង សៃយុគ ដាក់ខ្សែក្រវ៉ាត់ WMO ដោយមានការគាំទ្រប្រាក់រង្វាន់ពី ក្រុមហ៊ុន វឌ្ឍនៈប្រ៊ូវើរី រហូត ២៦ លានរៀល សម្រាប់អ្នកឈ្នះក្នុងការប្រកួតនេះ ។ ដោយឡែកជំនូបរវាងកីឡាករខ្មែរ ឡៅ ចន្ទ្រា និង ស៊ុដ សាខន គឺជាប្រកួតដណ្តើមខ្សែក្រវ៉ាត់ KRUD KUN KHMER ក្នុងទំងន់ ៧៣ គីឡូក្រោម ជាមួយប្រាក់រង្វាន់១០ លានរៀន ។
ក្រៅពីគូពិសេសៗ ទាំងពីរនេះ កម្មវិធី KRUD KUN KHMER: The Battle of Kings ក៏មានជំនួបគូពិសេសៗ ជាច្រើនគូ លក្ខណៈអន្តរជាតិ មិត្តភាព និងប្រកួតសន្សំពិន្ទុ ដើម្បីខ្សែក្រវ៉ាត់ផង ។
សូមកុំភ្លេចចូលរួមទស្សនាដោយសេរី ទីតាំងនៅ បរិវេណគម្រោង Vattanacville (វឌ្ឍនៈវីល) ផ្លូវ114, ភាគខាងត្បូង រោងចក្រ វឌ្ឍនៈប្រ៊ូវើរី ភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ នាយប់ថ្ងៃទី ៣ និងទី ៤ ខែកុម្ភៈ ឆ្នាំ ២០២៤ ខាងមុខនេះ។ ជាពិសេស ព្រឹត្តិការណ៍ដ៏ធំមួយនេះនឹងមានការផ្សាយផ្ទាល់ទស្សនាតាមរយៈកញ្ចក់ទូរទស្សន៍ជាតិកម្ពុជា Facebook page និង Youtube របស់ទូរទស្សន៍ជាតិកម្ពុជា ក៏ដូចជា Facebook page Krud Energy នៅវេលាម៉ោង ៦ និង ៣០នាទីយប់៕
