យុវជន២ក្រុម បើកឆាកប្រយុទ្ធគ្នា ព្រោះដណ្តើមស្រីអ្នកលក់ស្រា
ភ្នំពេញ ៖ យុវជន២ក្រុម បានចូលទៅផឹកសុីនៅក្នុងហាងស្រាក្រឡុកមួយកន្លែង ហើយផឹក១យប់ទល់ភ្លឺ ក្រោយពេលស្រវឹងធ្លាក់ភ្នែករៀងៗខ្លួន ក៏បានមានទំនាស់គ្នាយ៉ាងខ្លាំង និងស្រែកឡូឡាដណ្ដើមនារីបម្រើការងារនៅក្នុងហាងស្រាក្រឡុកបានទាញកាំបិ.ត និងដំបងវា.យ កា.ប់ចា.ក់គ្នា បណ្ដាលឲ្យរងរបួសទាំងសងខាង ផ្អើលដល់សមត្ថកិច្ចឃាត់ខ្លួនបានចំនួន៤នាក់។
ហេតុការណ៍ខាងលើនេះបានកើតឡើងកាលពីវេលាម៉ោង៨ព្រឹកថ្ងៃទី២៥ ខែមករា ឆ្នាំ២០២៤ នៅក្នុងហាងស្រាក្រឡុក ស្ថិតនៅតាមបណ្ដោយមហាវិថីឈ្នះឈ្នះ (ផ្លូវអូរដឹមកប់ស្រូវ) ភូមិត្រពាំងទា សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានបានឲ្យដឹងថា បុរស២ក្រុមនេះបានចូលទៅផឹកសុីនៅក្នុងហាងស្រាក្រឡុកខាងលើតាំងពីវេលាយប់ ដោយភាគីម្ខាងមានគ្នា២នាក់ជិះរថយន្តម៉ាកតូយ៉ូតាព្រូស១គ្រឿង។ ចំណែកឯភាគីម្ខាងទៀតមានគ្នា២នាក់ដូចគ្នាជិះម៉ូតូ១គ្រឿង ហើយពួកនេះបានផឹកសុីរហូតដល់ភ្លឺព្រឹកថ្ងៃទី២៥ ខែមករា ក៏នៅមិនទាន់ឈប់ទៀត ព្រោះតែស្រលាញ់ស្រីបម្រើនៅក្នុងហាងស្រាក្រឡុកនោះដូចគ្នា និងបានដណ្ដើមពួកនាងយកមកធ្វើជាស្រីស្នេហ៍រៀងៗខ្លួន ហើយក៏ក្លាយទៅជាទំនាស់យ៉ាងតឹងសសៃកដាក់គ្នា។
ប្រភពបន្តទៀតថា ក្រោយពីឈ្លោះប្រកែកគ្នាមិនយូរប៉ុន្មាន ភាគីទាំងសងខាងក៏បានទាញកាំបិ.ត និងដំបងបញ្ចេញក្បាច់គុនកា.ប់ចា.ក់ និងវា.យគ្នាទៅវិញទៅមកប្រាវ បណ្ដាលរងរបួសទាំងសងខាង ដោយអ្នកខ្លះបែកក្បាលនិងអ្នកខ្លះទៀតរយះដៃ ហូរឈាមកក្លាក់ និងបង្កឲ្យមានការភ្ញាក់ផ្អើលនិងបង្កភាពអនាធិបតេយ្យពេញក្នុងហាង ។ ភ្លាមៗនោះកម្លាំងនគរបាលប៉ុស្តិ៍ត្រពាំងក្រសាំងបានចេញអន្តរាគមន៍ ហើយត្រូវបានមនុស្ស២ក្រុមនេះសម្លុតនិងគំរា.មកំហែ.ងនគរបាលថែមទៀត ប៉ុន្តែនគរបាលមិនបានខ្លា.ច ឬដកថយឡើយ ហើយក៏បានឃាត់ខ្លួនទាំងសងខាងតែម្ដង។
ប្រភពបន្ថែមទៀតថា បុរស២ក្រុមនេះនៅមិនទាន់ត្រូវបាននគរបាលប្រាប់ឲ្យដឹងឈ្មោះនៅឡើយទេ ក្រោយឃាត់ខ្លួននគរបាលក៏បាននាំខ្លួនក្រុមនេះទៅសាកសួរនៅប៉ុស្តិ៍ត្រពាំងក្រសាំង ដើម្បីកសាងសំណុំរឿងចាត់ការតាមច្បាប់ ។ ដោយឡែកនារីបម្រើការនៅក្នុងហាងស្រាក្រឡុកខាងលើចំនួន៣នាក់ក៏ត្រូវបាននគរបាលហៅទៅសួរនាំផងដែរ ដើម្បីប្រមូលព័ត៌មានពីដើមហេតុនៃជម្លោះឲ្យកាន់តែច្បាស់ថែមទៀត៕
