អគ្គិភ័យឆេះផ្ទះមួយកន្លែងក្នុងខណ្ឌសែនសុខសម្លា.ប់ស្រ្តីចំណាស់អាយុ៨៥ឆ្នាំម្នាក់
កាលពីវេលាម៉ោង១៧៖១០នាទីល្ងាច ថ្ងៃទី១៩ ខែមករា ឆ្នាំ២០២៤ មានករណីអគ្គីភ័យឆាបឆេះផ្ទះប្រជាពលរដ្ឋមួយកន្លែងបានកើតឡើងនៅចំណុចផ្ទះលេខ ១៧ ផ្លូវបេតុង៩២ ភូមិច្រេះ សង្កាត់គោកឃ្លាង ខណ្ឌសែនសុខ រាជធានីភ្នំពេញ ដោយម្ចាស់ទីតាំងមានឈ្មោះ ឆាយ អ៊ាន ភេទប្រុស អាយុ៨៥ឆ្នាំ ជនជាតិខ្មែរ មុខរបរជាអ្នកលក់ដូរ។
ប្រភេទសំណង់ដែលឆាបឆេះជាផ្ទះថ្មប្រក់សង្កសីទំហំ ០៥ម៉ែត្រគុណនឹង១២ម៉ែត្រ ដោយអគ្គិភ័យបានឆាបឆេះផ្ទះថ្មប្រក់ស័ង្កសីអស់មួយផ្នែកខាងក្រោម រួមមានម៉ូតូចំនួន២គ្រឿង និងសម្ភារៈអស់ទាំងស្រុង ហើយពុំបានឆេះរាលដាលដល់អ្នកក្បែរខាងឡើយ។ ជាអកុសលហេតុការណ៍អគ្គិភ័យនេះបានឆក់យកជីវិតស្ត្រីចំណាស់ម្នាក់ឈ្មោះ គ្រៀល អៀង ភេទស្រី អាយុ៨៥ឆ្នាំ។ ចំពោះមូលហេតុនៃការឆាបឆេះសមត្ថកិច្ចកំពុងបន្តស្រាវជ្រាវ៕
