ព្រឹត្តការណ៍ប្រកួតប្រដាល់គុនខ្មែរ Cambodia Kun Khmer KKIF ប្រកាសបើកជាផ្លូវការ
គុនខ្មែរ៖ ដោយមានការគាំទ្រពីសំណាក់អ្នកសេ្នហាប្រដាល់គុនខ្មែរ ក្លឹបប្រដាល់គុនខ្មែរអន្តរជាតិ KKIF បានសហការជាមួយក្រុមហ៊ុនស្រាបៀកម្ពុជា សហពន្ធប្រដាល់គុនខ្មែរ បានរៀបចំព្រឹត្តការណ៍ប្រដាល់ដ៏ធំមួយដែលប្រសិទ្ធនាមថា ខេមបូឌា គុនខ្មែរ ខេ ខេ អាយ អេស( Cambodia Kun Khmer K K I F)ព្រឹត្តិការណ៍នេះទទួលការឧបត្ថម្ភផ្ដាច់មុខដោយស្រាបៀរកម្ពុជា។
លោកបន្ថែមថា«គុនខ្មែរមិនមែនគ្រាន់តែជាកីឡាទេ វាតំណាងឱ្យភាពរឹងមាំ វិន័យ និងមរតកវប្បធម៌របស់ប្រជាពលរដ្ឋខ្មែរ ហើយតាមរយៈការឧបត្ថម្ភគុនខ្មែរពី ខ្មែរ ប៊ែវើរីជីស គឺជាការវិនិយោគលើការរក្សាអត្តសញ្ញាណ ជាតិដ៏ពិសេស និងជំរុញកំណើនអត្តពលិកគុនខ្មែរ។ ខ្មែរ ប៊ែវើរីជីស ជាក្រុមហ៊ុនធំ និងដំបូងគេបង្អស់នៅកម្ពុជា ដែលនាំគុនខ្មែរ នាំមុខមាត់ខ្មែរ ឱ្យល្បីរន្ទឺ ដល់ឆាកអន្តរជាតិ»។
ដោយឡែកលោកឧកញ៉ា ស្រី ចាន់ថន ស្ថាបនិកក្លឹបប្រដាល់គុនខ្មែរអន្តរជាតិ KKIF បានអោយដឹងថា ការរៀបចំព្រឹត្តការណ៍នេះ ដើម្បីឲ្យពិភពលោក ស្គាល់គុនខ្មែរឲ្យកាន់តែច្បាស់ នៅពេលដែលពិភលោកស្គាល់គុនខ្មែរ ស្គាល់កម្ពុជានោះវិស័យទេសចរណ៍ កីឡាករផ្សាភ្ជាប់ជាមួយនិងវិស័យទេសចរណ៍ របស់កម្ពុជានិងរីកចម្រើនមួយកម្រិតបន្ថែមទៀតផងដែរ។ ទេសចរណ៍រីកចម្រើននឹងនាំឲ្យមានកំណើនសេដ្ឋកិច្ចជាតិ។
ជាមួយគ្នានេះដែរក្លឹបប្រដាល់គុនខ្មែរអន្តរជាតិ KKIF មានផែនការក្នុងការនាំគុនខ្មែរចេញទៅក្រៅប្រទេស និងនាំកីឡាករបរទេសចូលមកក្នុងប្រទេសកម្ពុជាផងដែរ។ លោកសង្គត់ធ្ងន់ថា«អ្វីដែលបងប្អូនឃើញនៅថ្ងៃនេះគ្រាន់តែជាកិច្ចចាប់ផ្តើមតែប៉ុណ្ណោះ ជាមួយនឹងអ្នកឧកញ៉ លាង ម៉េង ក្រុមការងារសន្យាថា នឹងនាំអ្វីដែលពិសេស និងល្អៗមកជូនបងប្អូនឲ្យបានប្លែកភ្នែក ប្លែកអារម្មណ៍ជាបន្តបន្ទាប់ទៀតនៅពេលអនាគត។ ស្របពេលជាមួយគ្នាខ្ញុំសង្ឃឹមថាកីឡាករគុនខ្មែររបស់យើងនឹង ធ្វើឲ្យអស់ពីសមត្ថភាព ព្រោះកីឡាគឺដើម្បីមិត្តភាព ឈ្នះ ចាញ់គឺជារឿងធម្មតា»។
សូមបញ្ជាក់ផងដែរថា ព្រឹត្តការណ៍ខេមបូឌា គុនខ្មែរ ខេ ខេ អាយ អេស( Cambodia Kun Khmer K K I F) នឹងធ្វើការប្រកួតនៅថ្ងៃទី១០ ខែធ្នូនេះ ចាប់ពីម៉ោង៧ យប់តទៅ នៅឯផ្សារទំនើបជីពម៉ុងផ្លូវ២៧១ ដោយមានកីឡាករ៦ប្រទេសផ្សេងៗគ្នាមកតតាំងជាមួយអ្នកលេងគុនខ្មែរ។ ព្រឹត្តការណ៍នេះក៏មានការផ្សាយផ្ទាល់តាមរយៈទូរទស្សន៍បាយ័ន ហ្វេសបុកផេកស្រាបៀកម្ពុជា ហ្វេសបុកផេកក្លឹបប្រដាល់គុនខ្មែរអន្តរជាតិ KKIF និងមានការផ្សាយបន្តប្រមាណ១៩២ប្រទេសនៅលើពិភពលោក៕
