ហេតុផលអ្វីខ្លះធ្វើឱ្យYudaiអាចចូលជាសញ្ជាតិកម្ពុជានិងមានឱកាសលេងឱ្យក្រុមជម្រើសជាតិ?
សញ្ជាតិខ្មែរមានតម្លៃ ហេីយការឱ្យកីឡាករណាម្នាក់ចូលសញ្ជាតិមិនមែនចេះតែធ្វេី ចេះតែឱ្យទេ ទាល់តែកីឡាករនោះមានតម្លៃសមនឹងទទួលបានដែរ។ សម្រាប់ករណី Yudai Ogawa គឺជាការធ្វើសញ្ញាតូបនីយកម្មដំបូងបង្អស់នៃក្រុមបាល់ទាត់ជម្រេីសជាតិកម្ពុជា។
តើហេតុផលអ្វីខ្លះដែលធ្វើឱ្យខ្សែបម្រើដើមកំណើតជប៉ុនរូបនេះបានចូលជាសញ្ជាតិកម្ពុជា ហើយថែមទាំងបានចូលលេងឱ្យក្រុមជម្រើសជាតិថែមទៀតនោះ?
ទី១ .គុណភាពរបស់ Yudai គឺល្អណាស់ ការគ្រប់គ្រងស្ថានភាពនៅតំបន់កណ្ដាល ការគ្រប់គ្រងបាល់ ការបញ្ជូន ការស៊ុតពីចម្ងាយ ភាពឈ្លាសវៃ។
ទី២. Yudai បានលេងក្នុងលីគកម្ពុជា៥ឆ្នាំ(ឡេីងទៅ)ស្របតាមច្បាប់របស់ FIFA (ខណៈគាត់មិនធ្លាប់ជាប់ជម្រេីសជាតិណាពីមុនមកទេ)។
ទី៣.គាត់ជាជនជាតិមកពីប្រទេសមួយដែលជឿនលឿន មានវប្បធម៌ ផ្នត់គំនិតល្អអស្ចារ្យ គឺជប៉ុនដែលជាមហាមិត្តដ៏ស្មោះត្រង់បំផុតមួយរបស់កម្ពុជានិងដែលបាននិងកំពុងជួយកម្ពុជាសឹងលេីគ្រប់វិស័យ។
ទី៤. កម្ពស់កម្ពរ ពណ៌សម្បុរ រូបរាងរបស់គាត់ស្រដៀងខ្មែរដែរ មិនមែនខុសគ្នាដាច់ដូចសាសន៍មកពីទ្វីបដទៃ៕
