បាញ់ប្រហារនៅឯផ្សារទំនើបមួយនាទីក្រុងបាងកក ស្លា..ប់៣នាក់ របួ.សជាច្រើននាក់

បាងកក៖ បន្ទាប់ពីមានហេតុការណ៍បាញ់ប្រហារមួយ នៅឯផ្សារទំនើប Siam Paragon ក្នុងរដ្ឋធានីបាងកក ប៉ូលិសថៃ បាន​ចាប់ខ្លួនជនសង្ស័យម្នាក់មានអាយុ១៤ឆ្នាំ ខណៈសមត្ថកិច្ចថា មនុស្ស ៣នាក់បានស្លាប់ និងជាច្រើននាក់ផ្សេងទៀតរងរបួស។ នេះបើតាមការចេញផ្សាយដោយទីភ្នាក់ងារសារព័ត៌មាន AFP។

សារព័ត៌មាន Thai PBS News បានដកស្រង់របាយការណ៍ពីពីមន្ទីរពេទ្យ Erawan Emergency Medical Center ថា មនុស្សយ៉ាងហោច ៧នាក់ បានរងរបួស។ មនុស្សរាប់រយនាក់បានរត់ចេញពីផ្សារទំនើប Siam Paragon ក្រោយលឺស្នូរគ្រាប់កាំភ្លើងនៅខាងក្នុងផ្សារទំនើបនេះ ដែលត្រូវបានបិទច្រកចេញចូលជាបណ្ដោះអាសន្ន។

នាយករដ្ឋមន្ត្រីថៃ លោក Srettha Thavisin ក៏បានទទួលស្គាល់ថាមានហេតុការណ៍បាញ់ប្រហារនេះដែរ ដោយបញ្ជាក់ថាប៉ូលិសគ្រប់គ្រងស្ថានការណ៍ បានទាំងស្រុង ខណៈមានសេចក្ដីរាយការណ៍ថាជនសង្ស័យមានអាយុ ១៤ឆ្នាំម្នាក់ត្រូវបានចាប់ខ្លួន។ ប៉ុន្តែ មូលហេតុនៅពីក្រោយការបាញ់ប្រហារនេះ មិនទាន់ត្រូវបានបញ្ជាក់នៅឡើយទេ៕