ចាប់ខ្លួនជនសង្ស័យ២នាក់ក្នុងចំណោម៣នាក់ដែលលួចគាស់ផ្ទះពលរដ្ឋនៅខណ្ឌដូនពេញ

(រាជធានីភ្នំពេញ)៖ កម្លាំងប៉ុស្តិ៍នគរបាលរដ្ឋបាលចតុមុខ នៃអធិការដ្ឋាននគរបាលខណ្ឌដូនពេញ បានស្រាវជ្រាវឃាត់ខ្លួនជនសង្ស័យចំនួន០២នាក់ ក្នុងចំណោមបក្សពួកចំនួន០៣នាក់ ក្រោយពីធ្វើសកម្មភាពគាស់ទម្លុះទម្លាយផ្ទះយកម៉ូតូសណ្តោងរឺម៉ក និងសម្ភារៈមួយចំនួន ប្រព្រឹត្តល្មើសនៅនៅចំណុចក្នុងផ្ទះលេខ០៨ ផ្លូវ២៥៨ ភូមិ២ សង្កាត់ចតុមុខ ខណ្ឌដូនពេញ។

អត្តសញ្ញាណជនសង្ស័យចំនួន០៣នាក់៖
១- ឈ្មោះ សុខ វាសនា ភេទប្រុស ជនជាតិវៀតណាម ស្នាក់នៅនិងមុខរបរមិនប្រាកដ (មានសារធាតុញៀន)។
២- ឈ្មោះ សុខ ជា ភេទប្រុស ជនជាតិខ្មែរ ស្នាក់នៅនិងមុខរបរមិនពិតប្រាក (មានសារធាតុញៀន)។
៣- ឈ្មោះ វៀង ភេទប្រុស ជនជាតិវៀតណាម ស្នាក់នៅនិងមុខរបរមិនពិតប្រាកដ (គេចខ្លួន)។

វត្ថុតាងដកហូតរួមមាន៖ ម៉ូតូម៉ាកyamaha ស៊ូរ៉ុស ពណ៌ខ្មៅ, ម៉ាស៊ីនចេញបុងគិតលុយ ចំនួន១, កាំបិតបុ័ងតោ ដងឈើចំនួន១, កូនកាំបិតតូច ចំនួន១, កន្រ្តៃដែក ចំនួន១, ទូលវីស១ និងសោលេខ១០ ចំនូន១។

បច្ចុប្បន្នជនសង្ស័យ និងវត្ថុតាង កំពុងឃាត់ខ្លួននៅកម្លាំងប៉ុស្តិ៍នគរបាលរដ្ឋបាលចតុមុខ បណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវិធី៕