ផលិករប្រដាល់ ទ ទ ក រំពឹងថា កម្មវិធីគ្រុឌគុនខ្មែរ នឹងផ្សព្វផ្សាយគុនខ្មែរទៅកាន់ពិភពលោកបានស្គាល់កាន់តែច្បាស់
ថ្លែងក្នុងសន្និសិទ សារព័ត៌មាននារសៀលថ្ងៃទី២ ខែកញ្ញា ឆ្នាំ២០២៣ ផលិករកម្មវិធីប្រកូតប្រដាល់របស់ស្ថាននីយ៍ទូរទស្សន៍ជាតិកម្ពុជា លោកលី ដា បានអោយដឹងថា ព្រឹត្តិការណ៍គ្រុឌគុនខ្មែរ នឹងអាចផ្សព្វផ្សាយគុនខ្មែរទៅកាន់ពិភពលោកបានស្គាល់កាន់តែច្បាស់។
លោកលី ដា ផលិតករកម្មវិធីកីឡារបស់ទូរទស្សន៍ជាតិកម្ពុជា បានអោយដឹងថា នេះជាព្រឹត្តិការណ៍មួយដ៏ធំដែលមិនធ្លាប់មានៅកម្ពុជា។ លោករំពឹងថា ការប្រកួតនៅថ្ងៃស្អែក គ្រប់គូទាំងអស់ជាការប្រកួតដ៏អស្ចារ្យ ពិព្រោះយើងមិនធ្លាប់មានការប្រកួតដណ្តើមខ្សែក្រវាត់ច្រើនដូចនេះ នោះទេ។ លោកថា ការប្រកួតនេះ អ្វីដែលកម្មវិធី ក៏ដូចជាម្ចាស់ឧបត្ថម្ភចង់បាន គឺចង់ផ្សព្វផ្សាយគុនខ្មែរទៅកាន់ពិភពលោក អោយគេស្គាល់ថានេះជាគុនខ្មែរ ជាមរតរបស់ខ្មែរ។
ដោយឡែកលោកហេង សុឃន អគ្គលេខាធិការសហពន្ធ័ប្រដាល់កម្ពុជា បានអោយដឹងថា យើងនឹកស្មានមិនដល់ទេ ដែលមានការប្រកួតដណ្តើមខ្សែក្រវាត់ម្តង៦នោះទេ នេះជាលើកទី១ ដែលទូរទស្សជាតិកម្ពុជាអាចធ្វើបាន។ លោកថា នេះជាព្រឹត្តិការណ៍ដ៏ពិសេសមួយមិនដែលមាននៅក្នុងប្រទេសកម្ពុជា។ យ៉ាងណា លោកជំរុញអោយកីឡាករ ប្រកួតអោយអស់ពីសមត្ថភាពដើម្បីពង្រឹងគុនផលរបស់ខ្លួនដែលជាម្ចាស់ក្បាច់គុន។ ក្រៅពីនេះ លោកជំរុញអោយមន្ត្រីបច្ចេកទេសទាំងអស់ត្រូវកាត់ក្តីដោយយុត្តិធម៌ កំលំអៀង ព្រោះកីឡានាំមកនូវសុខភាព។
សូមបញ្ជាក់ផងដែរថា ការប្រកួតគ្រុឌគុនខ្មែរ នាថ្ងៃទី៣ ខែកញ្ញា មានការប្រកួតដណ្តើមខ្សែក្រវាត់ចំនួន៦គូ ក្នុងនោះ ឃីម បូរ៉ា ប្រកួតជាមួយពេជ្រ សម្បត្តិ ដណ្តើមខ្សែក្រវាត់ជាគូឯក។ ដោយឡែក ព្រំ សំណាង ឡុង ប៉េនលឿង ឡើងការពារខ្សែក្រវាត់។ ចំណែក ធន់ ឬទ្ធី លន់ បញ្ញា ប្រកួតដណ្តើមខ្សែក្រវាត់ ក្នុងនោះក៏មានការប្រកួតមិត្តភាពអន្តរជាតិចំនួន៤គូ អ៊ុង ភារៈ អេ អាំងម៉ារិន មឿន សុខហ៊ុច និងឃឹម ឌឺម៉ា៕
