ត្រៀមថ្មទូរសព្ទ័…! តំបន់មួយចំនួននឹងត្រូវផ្អាកការផ្គត់ផ្គត់អគ្គិសនី រយៈពេល ៣ថ្ងៃ និង៤ថ្ងៃ

ភ្នំពេញ៖ ដើម្បីសម្រួលដល់កិច្ចដំណើរការអនុវត្តការងារជួសជុល ពង្រីកផ្លូវ ផ្លាស់ប្តូរតម្លើងបរិក្ខារនានា និងរុះរើគន្លងខ្សែបណ្តាញអគ្គិសនី នឹងផ្អាកផ្គត់ផ្គត់អគ្គិសនី រយៈពេល ៣ថ្ងៃ គឺចាប់ពីថ្ងៃទី០១ ដល់ថ្ងៃទី០៣ ខែកញ្ញា ឆ្នាំ២០២៣ នៅក្នុងខណ្ឌសែនសុខ និងរយៈពេល៤ថ្ងៃនៅខណ្ឌ៧មករា ខណ្ឌទួលគោក ខណ្ឌដង្កោ និងក្រុងតាខ្មៅ ឬស្សីកែវ។

បើតាមសេចក្តីជូនដំណឹងរបស់អគ្គិសនីកម្ពុជា ក្នុងទឹកដីនៃខណ្ឌសែនសែន សង្កាត់ទាំង៦ ដែលនឹងត្រូវផ្អាកផ្គត់ផ្គង់អគ្គិសនី រួមមាន សង្កាត់ក្រាំងធ្នង់ សង្កាត់គោកឃ្លាង សង្កាត់ភ្នំពេញថ្មី សង្កាត់ទឹកថ្លា សង្កាត់អូបែកក្អម និងសង្កាត់ឃ្មួញ។

ជាមួយគ្នានេះ សង្កាត់មួយចំនួន ក្នុងខណ្ឌដទៃផ្សេងទៀតនៅរាជធានីភ្នំពេញ មានដូចជាខណ្ឌ៧មករា ខណ្ឌទួលគោក ខណ្ឌដង្កោ ខណ្ឌមានជ័យ ខណ្ឌពោធិ៍សែនជ័យ ខណ្ឌឬស្សីកែវ ខណ្ឌជ្រោយចង្វារ ខណ្ឌព្រែកព្នៅ រួមទាំងតំបន់ខ្លះ ក្នុងខេត្តកណ្តាល ក៏នឹងត្រូវផ្អាកការផ្គត់ផ្គង់អគ្គិសនីដូចគ្នាចន្លោះពី ៥ម៉ោង-៨ម៉ោង ដោយចាប់ផ្តើមពីម៉ោង ៨ព្រឹក ដល់ ៤រសៀល ថ្ងៃទី៣១ ខែសីហានេះតែម្តង។

គួរបញ្ជាក់ថា បើទោះបីជាមានការខិតខំថែរក្សា មិនឱ្យមានការប៉ះពាល់ដល់ ការផ្គត់ផ្គង់អគ្គិសនីធំដុំក៏ដោយ តែការផ្គត់​ផ្គង់ច​រ​ន្ត​អ​គ្គិ​ស​នី​នៅតំបន់ខ្លះ អាចនឹងមានការរអាក់រអួលខ្លះៗជៀសមិនផុត ហេតុនេះ អគ្គិសនីកម្ពុជាស្នើសុំអភ័យទោសទុកជាមុន៕