Rainnie Daraនិងក្សត្រាបង្ហាញសេចក្តីស្រឡាញ់ពិតៗនៅក្នុងរឿងBL«វាយោសមុទ្រ»

Rainnie Dara និង ក្សត្រា បង្ហាញសេចក្តីស្រឡាញ់ពិតៗនៅក្នុងរឿងBL «វាយោសមុទ្រ» ខ្សែរភាពយន្ត«វាយោសមុទ្រ» ដែលជាភាពយន្តបុរសស្រឡាញ់បុរស (BL) ដែលទើបតែចាក់បញ្ចាំងថ្មីៗនៅរោងភាពយន្ត ទទួលបានការកោតសរសើរនិងគាំទ្រយ៉ាងខ្លាំងពីមហាជន។

អ្វីកាន់តែពិសេសអ្នកគាំទ្រជាច្រើនពិតជារំភើបនៅពេលបានឃើញ Rainnie Dara និង ក្សត្រា បានបង្ហាញក្តីស្រឡាញ់ៗពិតៗ ជាមួយនឹងឈុតឈាកជាច្រើន នៅក្នុងខ្សែភាពយន្តមួយនេះ។ ជាក់ស្តែងការផលិតរឿងនេះឡើងក៏ជាការបំពេញនូវក្តីបំណងរបស់អ្នកគាំទ្ររបស់លោក Rainnie Dara និង ក្សត្រា ដែលចង់ឃើញដៃគូរស្និតស្នាលមួយគូរ សម្តែងក្នុងរឿង BL តាំងពីយូរមកហើយ។

មិនធ្វើឱ្យអ្នកគាំទ្រខកបំណង តារាទាំងពីរដួងនេះក៏លេចវត្តមានក្នុងរឿង «វាយោសមុទ្រ» ធ្វើអោយមហាជន ផ្ទុះការកោតសរសើរយ៉ាងខ្លាំងពីសំណាក់មហាជន ព្រោះការសម្តែងវាសាកសម្យ អមជាមួយទេសភាពដ៏ស្រស់ស្អាតនៃខេត្តកំពត។

ខ្សែភាពយន្តនេះគឺនិយាយអំពីជីវិតរបស់យុវជនមួយរូបដែលមានឈ្មោះថាសមុទ្រ រស់នៅជាអ្នកនេសាទក្នុងខេត្តកំពត។ ជីវិតរស់តែងតែមានភាពស្មុគស្មាញ ប៉ុន្តែរាល់ថ្ងៃសមុទ្រតែងតែមានសមុទ្រ នៅក្បែរនិងលើកទឹកចិត្ត។ ទំនាក់ទំនងរបស់ពួកគេបានបង្កើតជាឈុតឈាកស្នេហា ដែលធ្វើអោយគេខ្វះគ្នាមិនបាន វាប្រៀបដូចជាសមុទ្រ មិនអាចខ្វះខ្យល់បាន ដើម្បីបង្កើតចេញជាទឹករលក។

បើតាមកញ្ញា រិទ្ធី លំអរពេជ្រ ជាស្ថាបនិកនៃក្រុម “ភ្លើងគប់” និងជាអ្នកដឹកនាំសម្តែងរឿង “វាយោសមុទ្រ” បានអោយដឹងថា ខ្សែភាពយន្ដនេះមានក្រុមការងារចូលរួមប្រមាណ៥០នាក់ដែលបានចុះទៅដល់ទីតាំងផ្ទាល់ ជាក់ស្តែងខេត្តកំពតដែលជាខេត្តមានឆ្នេរសមុទ្រធំជាងគេទី៣ក្នុងប្រទេសកម្ពុជា និងមានភាពល្បីល្បាញខ្លាំង។ ខេត្តនេះក៏មានរមណីយដ្ឋានធម្មជាតិ និងសំណង់អគារប្រវតិ្តសាស្ត្រសម័យអាណានិគមជាច្រើនសម្រាប់ភ្ញៀវទស្សនា និងស្វែងយល់ផងដែរ៕