ស្ងាត់ៗ!សែន ឬទ្ធីគុណប្រកាសចាកចេញពីក្លិបKKIF របស់ឧកញ៉ា ស្រី ចាន់ថន
កីឡាករប្រដាល់ប្រេស៊ីលសញ្ជាតិខ្មែរ សែន ឬទ្ធីគុណ (Thiago Teixeira) នៅមុននេះបន្តិចបានប្រកាសចាកចេញពីក្លិបគុនខ្មែរអន្តរជាតិ (KKIF) ដែលត្រូវបានគេដឹងជាក្លិបបង្កើតឡើងដោយឧកញ៉ា ស្រី ចាន់ថន។
តាមរយៈសំណេរបង្ហោះលើបណ្ដាញសង្គមហ្វេសប៊ុក កីឡាករសែន ឬទ្ធីគុណ (Thiago Teixeira)បានសរសេរយ៉ាងដូច្នេះ៖ «សូមគោរពសមាជិក និងអ្នកគាំទ្រគុនខ្មែរ! ខ្ញុំសូមជម្រាបជូនអ្នករាល់គ្នាថា ខ្ញុំបានសម្រេចចិត្តចាកចេញពីអ្នកប្រដាល់គុនខ្មែរអន្តរជាតិ។ តាមពិតខ្ញុំចាកចេញជាងមួយខែមុន។ ខ្ញុំជឿថាវាដល់ពេលហើយដើម្បីស្វែងរកឱកាសថ្មីៗ និងស្វែងរកបញ្ហាប្រឈមថ្មីៗនៅកន្លែងផ្សេង។
បច្ចុប្បន្ននេះ ខ្ញុំបើកចំហរដើម្បីបង្កើតភាពជាដៃគូថ្មី ហើយខ្ញុំទន្ទឹងរង់ចាំយ៉ាងអន្ទះសារក្នុងការស្វែងរកគម្រោង និងបុគ្គលផ្សេងទៀតដែលខ្ញុំអាចសហការជាមួយ។
សូមឱ្យសិល្បៈក្បាច់គុនរបស់យើងរីកចម្រើន!
ខ្ញុំសូមជូនពរដោយស្មោះអស់ពីដួងចិត្តអ្នកទទួលបានជោគជ័យជាបន្តបន្ទាប់និងការពេញចិត្តយ៉ាងខ្លាំងនៅក្នុងការខិតខំរបស់អ្នក។ ដោយស្មោះអស់ពីចិត្ត Thiago Teixeira Rithy Kun»។
